Erlan Qarın ıÝNESKO-nyń Bas dırektory Odre Azýlege ІІ dárejeli «Dostyq» ordenin tapsyrdy
ASTANA. KAZINFORM – Memlekettik keńesshi Samarqandta ıÝNESKO Bas konferentsııasynyń 43-shi sessııasy aıasynda birqatar ekijaqty kezdesý ótkizdi
Qazaqstan Respýblıkasynyń Memlekettik keńesshisi – Qazaqstannyń ıÝNESKO jáne ISESKO isteri jónindegi ulttyq komıssııasynyń tóraǵasy Erlan Qarın Ózbekstan Respýblıkasynyń Samarqand qalasynda ótip jatqan ıÝNESKO Bas konferentsııasynyń 43-shi sessııasy aıasynda birqatar ekijaqty kezdesý ótkizdi.
Ózbekstan Respýblıkasy Prezıdenti Ákimshiliginiń basshysy Saıda Mırzıeevamen bolǵan kezdesýde eki el arasyndaǵy, sonyń ishinde ıÝNESKO aıasyndaǵy mádenı-gýmanıtarlyq yntymaqtastyq pen ózara is-qımyl áleýeti talqylandy.
Erlan Qarın Memleket basshysynyń Qazaqstandy odan ári jańǵyrtýǵa baǵyttalǵan jańa bastamalary týraly aıtty.
Taraptar óńirlik bastamalardy ilgeriletý, onyń ishinde ıÝNESKO-nyń Materıaldyq emes mádenı mura jáne Búkilálemdik muralar tizimi aıasyndaǵy transulttyq nomınatsııalardy utymdy úılestirý jumystaryn jalǵastyrý týraly kelisimge keldi.
Erlan Qarın ıÝNESKO-nyń jýyrda ókilettigi aıaqtalatyn Bas dırektory Odre Azýlemen bolǵan kezdesýde keıingi jyldary Qazaqstannyń birqatar usynysy (Turan shólderi, Betashar, Handar shejiresi jáne t.b.) ıÝNESKO-nyń bedeldi tizimderine, sondaı-aq 2024-2025 jyldary B.Soqpaqbaev pen N.Tilendıevtiń 100 jyldyq mereıtoılary ıÝNESKO-nyń ataýly kúnder kúntizbesine engizilgenin atap ótti. ıÝNESKO-nyń qoldaýymen Almaty qalasyndaǵy Ortalyq Azııa óńirlik glıatsıologııalyq ortalyǵy aldaǵy segiz jyldyq kezeńde óz jumysyn jalǵastyrýǵa múmkindik aldy.
Odre Azýle Prezıdent Qasym-Jomart Toqaevtyń halyqaralyq bastamalary men Qazaqstanda iske asyryp jatqan reformalary mańyzdy ekenine nazar aýdardy.
Kezdesý barysynda Memlekettik keńesshi Qazaqstan Respýblıkasynyń Prezıdenti Qasym-Jomart Toqaevtyń atynan halyqaralyq yntymaqtastyqty nyǵaıtýǵa ári bilim, ǵylym jáne mádenıet salalarynda Qazaqstanmen áriptestikti damytýǵa qosqan eleýli úlesi úshin Odre Azýlege ІІ dárejeli «Dostyq» ordenin tapsyrdy.
Aıta keteıik, Erlan Qarın ıÝNESKO-nyń Bas konferentsııasynda Prezıdenttiń jańa bastamalary týraly aıtty.