Erlan Qarın Vetnamnan kelgen ókildermen kezdesti

ASTANA. KAZINFORM - Memlekettik keńesshi Erlan Qarın Ho Shı Mın atyndaǵy Ulttyq saıasat akademııasynyń dırektory, Vetnam Kommýnıstik partııasy Ortalyq komıteti Saıası bıýrosynyń múshesi Ngýen Sýan Thanmen bastaǵan delegatsııamen kezdesti, dep habarlaıdy Aqorda.

Basqosýda Erlan Qarın Memleket basshysy Qasym-Jomart Toqaevtyń bastamasymen elimizde júzege asyrylyp jatqan saıası reformalar, sondaı-aq áleýmettik-ekonomıkalyq jáne mádenı-gýmanıtarlyq baǵyttaǵy jumystar týraly aıtyp berdi.

Jıyn sońynda taraptar Qazaqstan Respýblıkasynyń Prezıdenti janyndaǵy Strategııalyq zertteýler ınstıtýty men Ho Shı Mın atyndaǵy Ulttyq saıasat akademııasy arasyndaǵy yqpaldastyqty jalǵastyrýǵa kelisti.

Buǵan deıin QR Prezıdenti Vetnam Kompartııasy Ortalyq komıteti Saıası bıýrosynyń múshesi Ngýen Sýan Thangty qabyldaǵan edi.