Erlan Qarın: Ulttyq komıssııany Ədilbek Jaqsybekovtiń basqarýy osy baǵyttaǵy jumystyń salmaǵyn arttyra túsedi
ASTANA. QazAqparat - Saıasattanýshy Erlan Qarın QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń qurylýyna qatysty pikir bildirdi, dep habarlaıdy «QazAqparat» HAA tilshisi.
Onyń pikirinshe, komıssııa qurý týraly sheshim degenimiz Memleket basshysynyń «Bolashaqqa baǵdar: rýhanı jańǵyrý» maqalasyndaǵy kóterilgen bastamalar men ıdeıalardyń nátıjeliligin kózdeýdi bildiredi.
«Burynǵy qadamdar men is-áreketterdiń tájirıbesine qarasaq, ulttyq komıssııalardyń óte sırek qurylǵanyn baıqaımyz. Olar ár nárse úshin qurylyp jatqan joq, tek aýqymdy pikirtalasty, barlyq múddeli taraptardyń: memlekettik organdar, qoǵamdyq qurylymdar jáne t.b. qatysýyn talap etetin strategııalyq jospardaǵy asa mańyzdy máseleler boıynsha qurylýda. Mysaly, Prezıdent jyl saıyn eldiń damý basymdylyǵyn anyqtaıtyn úndeýler jarııalaýda. Joldaýdan keıin bizde komıssııalar qurylyp jatqan joq. Úkimet ony júzege asyrý boıynsha is-sharalar josparyn qabyldaıdy. Máselen, sońǵy komıssııa «100 naqty qadam» Ult jospary jáne saıası jańǵyrý máseleleri tóńireginde qurylǵany barshaǵa belgili», - dep bólisti E. Qarın.
Saıasattanýshy Nursultan Nazarbaevtyń bundaı sheshimi maqalada talqylanatyn máseleler men problemalardyń mańyzdylyǵy men mártebesin kórsetedi dep esepteıdi. Ulttyq komıssııaǵa QR Prezıdenti Ákimshiliginiń basshysy Ádilbek Jaqsybekovtiń jetekshilik etýi kezdeısoqtyq emes, sebebi bul - atalmysh qurylymnyń saıası mártebesiniń bıik ekendiginiń dáleli. Ádilbek Jaqsybekov - myqty ári bilikti saıası menedjer bolyp tabylady. Buryn ol saıası jańǵyrtý jónindegi ulttyq komıssııa jumysyna basshylyq etti. Erlan Qarın atap ótkendeı, bul komıssııa nátıjeli jumys jasady jáne joǵary baǵa aldy.
«ıAǵnı, onyń deńgeıi men júkteletin tapsyrmalar aıasy - saıası jańǵyrtý sekildi bolmaq (...) Komıssııanyń aldynda kóp eńbekti talap etetin jumys tur. Bılik qazir túbegeıli jańa kókeıtesti máselelerdi qalyptastyrdy. Menińshe, ulttyq komıssııa jýyq arada, múmkin, kelesi aptadan bastap óz jumysyn bastaıdy», - dedi Erlan Qarın.
Eske salaıyq, 19 sáýir kúni QR Prezıdenti ulttyq komıssııa týraly Jarlyqqa qol qoıdy . Onyń quramyna ákimder, mınıstrler, Qazaqstan halqy Assambleıasynyń músheleri, depýtattar, BAQ jetekshileri, sonyń ishinde «Qazaqstan» teleradıokorporatsııasynyń basqarma tóraǵasy retinde Erlan Qarın de kirdi.
