Erlan Qarın Ulttyq keńestiń jumysy týraly aqparatpen bólisti
NUR-SULTAN. QazAqparat – QR Prezıdentiniń keńesshisi Erlan Qarın Ulttyq keńestiń qazirgi jumysy týraly facebook paraqshasynda jazdy, dep habarlaıdy QazAqparat.
«Buǵan deıin habarlaǵanymyzdaı, ótken aptada memlekettik organdar beıbit jıyndar, saıası partııalar men saılaý týraly zań jobalarynyń tujyrymyn halyqpen talqylaý úshin normatıvti-quqyqtyq aktilerdiń ashyq ınternet-portaldarynda jarııalaǵan bolatyn. 10 aqpan kúni zań jobalary Ádilet mınıstrliginiń janyndaǵy Qoǵamdyq keńeste, sonymen qatar Aqparat jáne qoǵamdyq damý mınıstrliginiń janyndaǵy Qoǵamdyq keńeste sarapshylardyń jáne Ulttyq keńes músheleriniń qatysýymen talqylandy. Parlamenttik oppozıtsııa týraly jáne QR Qylmystyq kodekstiń 130 jáne 174-baptaryna norma engizýge qatysty bastamalardy júzege asyrý isi jumys tártibinde qaralýda», - deıdi Erlan Qarın.
Onyń jazýynsha, Ulttyq keńestiń kezekti úshinshi otyrysyn ótkizý merzimi men otyrystyń kún tártibin belgileý máselesi pysyqtalyp jatyr.
Eske sala ketsek, osydan birneshe kún buryn Qazaqstan Prezıdentiniń keńesshisi prezıdenttik bastamalardy júzege asyrýdyń jańa kezeńi bastalǵaly jatqanyn habarlaǵan bolatyn.
