Erlan Qarın Ulttyq keńes bastamalarynyń qalaı júzege asyrylyp jatqanyn aıtty
«Ulttyq keńestiń taǵy bir bastamasy júzege asyrylý satysynda tur. Búgin Aýyl sharýashylyǵy mınıstri Saparhan Omarov Ulttyq qoǵamdyq senim keńesi múshelerimen onlaın kezdesý barysynda Ulttyq keńestiń ekinshi otyrysyndaǵy Prezıdent tapsyrmasyn júzege asyrý maqsatynda «Jerdi paıdalaný jáne qorǵaýda memlekettik baqylaýdy jetildirý máseleleri boıynsha QR-nyń keıbir qańnamalyq aktilerine ózgerister men qosymshalar engizý týraly« QR zańy jobasynyń ázirlengenin aıtty», - dep jazdy Erlan Qarın Facebook-paraqshasynda .
Onyń atap ótýinshe, zań jobasy múddeli memlekettik organdarmen kelisý satysyna shyǵarylǵan. Taıaý ýaqytta Premer-Mınıstr keńesine, odan ary QR Parlamenti Májilisine engiziletin bolady.
«Ótken aptada Májilis aýyl sharýashylyǵy maqsatyndaǵy jerdi paıdalanbaǵany úshin bazalyq salyqtyq mólsherlemeni 10-nan 20 esege deıin arttyrýdy kózdeıtin zań jobasyn maquldady. Bul sharalardyń barlyǵyn da Ulttyq keńestiń 2-otyrysynda Prezıdent aıtqan edi. Mine, osylaı apta saıyn Ulttyq keńes aıasynda jarııalanǵan bastamalardyń júzege asyrylýy barysy týraly jańa aqparattar túsip jatady. Bastamalardyń basym bóliginiń júzege asyrylǵany belgili. UQSK hatshylyǵy qalǵandaryn memlekettik organdardyń olardy qalaı zerdeleýin qadaǵalap otyr. Sonymen qatar memlekettik organdardyń basshylarmen onlaın formatyndaǵy kezdesýler jalǵasýda», - dedi Erlan Karın.
Eske salaıyq, taıaýda Erlan Qarın aýylsharýashylyq maqsattaǵy jerdi paıdalanbaǵany úshin bazalyq salyqtyq mólsherlemeni arttyrýǵa qatysty Ulttyq qoǵamdyq senim keńesiniń usynysy týraly aıtqan bolatyn.