Erlan Qarın ulttyq arnanyń jańajyldyq baǵdarlamasyn tanystyrdy
ASTANA. QazAqparat - Búgin «Qazaqstan» ulttyq telearnasynyń Jańa jylǵa daıyndaǵan baǵdarlamalarynyń tanystyrylymy ótti, dep habarlaıdy ortcom.kz .
Mereke qarsańyndaǵy apta máńgilik mahabbat jaıly ańyz negizinde túsirilgen «Qozy Kórpesh - Baıan Sulý» atty 6 bólimdi kórkem telehıkaıanyń tusaýkeserinen bastalady.
«31 jeltoqsan saǵat 22:30-da tanymal shoý-bıznes juldyzdarynyń qatysýymen jańa jyldyq sıqyrǵa toly «Syńǵyrlaǵan sıqyrlar» merekelik shoý-baǵdarlamasy efırge jol tartady. Atalǵan jobaǵa, Kámshat Joldybaeva, Aıgúl Imanbaeva, Búrkit, Álı Oqapov, Aıqyn Tólepbergenov, Kesh You, Qanat Úmbetov, Álııa Ábiken, Tóreǵalı Tóreáli, Oljas Abaı jáne «Qazaqstan» arnasynyń tanymal júrgizýshileri Janserik Beıseev, Aısulý Ryspanova, Irına Ten, Baıan Baqkeldiqyzy, Nartaı Aralbaıuly qatysady. Eń kishkentaı telekórermenderimiz úshin 31 jeltoqsan saǵat 12.35-te áıgili «Walt Disney» kınokompanııasynyń qazaq tilinde dýblıajdalǵan «Rapýntsel» mýltfılmi kórsetiletin bolady», - dedi «Qazaqstan» teleradıokorporatsııasynyń basshysy Erlan Qarın.
Sonymen qatar ol mereke kúnderi «Men qazaqpyn» halyqaralyq megajobasynyń gala-kontsertiniń qaıtalaýy bolatynyn jáne kórermenge merekelik kontsertter usynylatynyn aıtyp ótti.
«25-29 jeltoqsan aralyǵynda kúndelikti saǵat 21.45-te Ulttyq arna kórermeni qazaq mádenıeti men óneriniń uly murasynyń ekranızatsııasyn tamashalaı alady.
Senbi kúni, 30 jeltoqsanda, saǵat 20.00-de kásipkerliktiń qyr-syryn ashyp, bıznestiń ońtaıly jolyn kórsetken «Úmitker» realıtı-shoýynyń aqtyq shyǵarylymy ótedi.
Sondaı-aq, jańa jyldyq jobalardyń arasynda «Ázil álemi», «Tamasha» ázil teatrynyń 90-shy jyldary túsirilgen eń úzdik toptamalary, elimizdiń tanymal vaınerleri, vıdeoblogerleri men qoǵam qaıratkerleriniń qatysýymen ótetin arnaıy «HA-HA shoý: Jańa Jyl 2018» jobasy kórermenge jol tartady», - dedi ol.
