Erlan Qarın Túrkistanda ótip jatqan halyqaralyq sımpozıýmǵa qatysty
ASTANA. KAZINFORM – Memlekettik keńesshi Erlan Qarın Túrkistanda ótip jatqan «Zaman men mádenıet dıalogyndaǵy ıAsaýı murasy: gýmanıstik baǵyt-baǵdar men zamanaýı syn-qaterler» atty halyqaralyq sımpozıýmnyń ashylýyna qatysty. Bul týraly Aqordanyń baspasóz qyzmeti habarlady.
Bul sımpozıýmdy ótkizý týraly bastamany Memleket basshysy Ulttyq quryltaıdyń Atyraýda ótken úshinshi otyrysynda kótergen edi. Prezıdent alqaly jıynda: «Qoja Ahmet ıAsaýı muralaryn tereń zerdelep, dáripteýge de aıryqsha nazar aýdarǵan jón. Bul másele boıynsha eń áýeli óz elimizdiń jáne sheteldiń ǵalymdaryn shaqyryp, arnaıy sımpozıým ótkizý qajet» degen bolatyn.
Erlan Qarın Memleket basshysynyń sımpozıýmǵa qatysýshylarǵa arnalǵan quttyqtaý hatyn oqydy.
Memlekettik keńesshi bul sımpozıým ıAsaýıdiń gýmanıstik ıdeıalaryn júıeli zertteýge jáne rýhanı-zııatkerlik murasyn nasıhattaýǵa zor úles qosatynyn atap ótti.
Jıynǵa elimiz ben Ázerbaıjan, Germanııa, Úndistan, Iran, Italııa, Qyrǵyzstan, Reseı, AQSh, Tájikstan, Túrikmenstan, Túrkııa, Ózbekstan jáne Japonııa elderinen kelgen júzge jýyq belgili ǵalymdar qatysyp jatyr.
Sımpozıýmdaǵy taqyryptyq sektsııalar aıasynda ıAsaýı murasynyń túrli qyrlaryn qamtıtyn ǵylymı baıandamalar jasalyp, pikirtalastar bolady. Sondaı-aq ǵalymdar ózara tájirıbe almasady.
Aıta keteıik, Memlekettik keńesshi Túrkistan oblysynda ishki saıasat máseleleri jóninde jıyn ótkizdi.