Erlan Qarın Túrki akademııasyna 70-ten astam saqtar men ǵundardyń jebelerinen turatyn jeke kollektsııasyn tabystady
ASTANA. QazAqparat - Búgin Halyqaralyq Túrki akademııasynyń murajaıyna QR Prezıdenti janyndaǵy Strategııalyq zertteýler ınstıtýtynyń dırektory Erlan Qarın 70 jebeden turatyn óziniń jeke kollektsııasyn tapsyrdy.
Jádigerler hronologııalyq turǵydan tas dáýirinen bastap HІH ǵasyrǵa deıingi aralyqqa jatady. Ejelgi oqtardyń basym kóbi saq, ǵun jáne túrki-mońǵol jaýyngerleriniki. Erlan Qarınniń bul toptamany jınaýyna mońǵolııalyq zertteýshi Suraǵan Rahmetuly úles qosqan.
Aıta keteıik, Halyqaralyq Túrki Akademııasynyń janynan ashylǵan murajaı 2014 jyldyń kúzinde tutastaı qaıta jańǵyrtylyp, sony jádigerlermen tolyqtyryldy.
