Erlan Qarın Sybaılas jemqorlyqqa qarsy komıssııanyń otyrysyn ótkizdi
Otyrysta Eýropa Keńesi janyndaǵy sybaılas jemqorlyqqa qarsy kúres jónindegi memleketter tobynyń (GREKO) usynymdary talqylandy. Jıynda sybaılas jemqorlyqqa qarsy tıimdi is-qımyl qabyldaý maqsatynda GREKO uıymymen ózara qarym-qatynas ornatýǵa basa nazar aýdaryldy.
Memlekettik keńesshi sheteldik sarapshylardyń usynymdaryn pysyqtaý jáne iske asyrýdyń naqty tetikterin ázirleý jónindegi jumysty jandandyrý qajet ekenin atap ótti.
Sondaı-aq, otyrysta Kóleńkeli ekonomıkaǵa qarsy is-qımyl jónindegi 2021-2023 jyldarǵa arnalǵan keshendi jospardy oryndaý maqsatynda memlekettik organdar atqaryp jatqan jumystardyń jaı-japsary talqylandy.
Jıynda atalǵan Keshendi jospardy óz deńgeıinde iske asyrý, onyń oryndalýyna naqty monıtorıng júrgizý jáne kóleńkeli ekonomıkany azaıtý úshin qabyldanatyn sharalarǵa túzetýler engizý jaıynda aıtyldy.
Komıssııa otyrysyndaǵy talqylaýlardan keıin jıynda qarastyrylǵan máseleler boıynsha naqty usynymdar ázirlendi.
