Erlan Qarın Shetelde kadrlar daıarlaý jónindegi komıssııanyń otyrysyn ótkizdi

ASTANA. QazAqparat - Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti, dep habarlaıdy Aqordanyń baspasóz qyzmeti.

Respýblıkalyq komıssııanyń sheshimimen 178 azamatqa «Bolashaq» halyqaralyq stıpendııasy berildi. Olar álemniń jetekshi joǵary oqý oryndaryna jáne óndiristik ortalyqtarynda magıstratýra, doktorantýra jáne rezıdentýra boıynsha bilim alady, sondaı-aq taǵylymdamadan ótedi.

Otyrysta Prezıdent Qasym-Jomart Toqaevtyń «Bolashaq» baǵdarlamasyn qaıta baǵdarlaý boıynsha tapsyrmalaryn oryndaý máseleleri talqylandy.

Memleket basshysynyń tapsyrmasyna sáıkes búginde stıpendıattardyń basym kópshiligi shetelderde ınjenerlik-tehnıkalyq baǵytta bilim alyp, biliktiligin jetildiredi.

Jıyn sońynda Qazaqstan Respýblıkasynyń Memlekettik keńesshisi Erlan Qarın «Bolashaq» halyqaralyq stıpendııasyna qatysty birqatar naqty tapsyrma berdi.

Foto: akorda.kz