Erlan Qarın sarapshylarmen konstıtýtsııalyq reformany talqylady
Búgin Memlekettik hatshy Erlan Qarınniń qatysýymen «Konstıtýtsııa 2022: Ekinshi respýblıkanyń negizi» atty sarapshylar talqylaýy ótti. Jıynǵa Ulttyq qoǵamdyq senim keńesiniń músheleri, belgili saıasattanýshylar men zańgerler qatysty.
Kezdesýde Erlan Qarın Konstıtýtsııalyq keńes oń qorytyndysyn bergen Ata Zańǵa engiziletin túzetýler men tolyqtyrýlar jaıynda sóz qozǵady. Memlekettik hatshy konstıtýtsııalyq reforma bılik tarmaqtary arasyndaǵy qarym-qatynas balanysyn ońtaılandyrýǵa, halyqtyń memleketti basqarý isine aralasýyn keńeıtýge jáne qazaqstandyqtardyń konstıtýtsııalyq quqyǵynyń qorǵalýyn kúsheıtýge múmkindik beretinin atap ótti.
Óz kezeginde Ulttyq keńes músheleri men saıasattanýshylar el Konstıtýtsııasyna engiziletin ózgeristerdi qoldady. Jıynda atalǵan ózgeristerdi ázirleý barysynda Ulttyq keńes músheleriniń usynystary men usynymdary eskerilgenine nazar aýdaryldy.
Kezdesý sońynda sarapshylar konstıtýtsııalyq reforma qazirgi saıası modeldi júıeli túrde transformatsııalaýǵa negiz bolady dep qorytyndy jasady.
