Erlan Qarın Sarapshylar forýmyna qatysty

ASTANA. QazAqparat - Memlekettik keńesshi Erlan Qarın Qazaqstannyń strategııalyq zertteýler ınstıtýtynyń uıymdastyrýymen ótken «Qazaqstannyń saıası jańǵyrýy: baǵyt jáne baǵdar» atty Sarapshylar forýmyna qatysty, dep habarlaıdy Aqorda.

Sondaı-aq Forým jumysyna belgili saıasattanýshylar men áleýmettik ǵylym baǵytyndaǵy sarapshylar, akademııalyq qoǵamdastyq ókilderi, ýnıversıtet oqytýshylary atsalysty.

Erlan Qarın qazirgi saılaýdyń logıkasy bıylǵy respýblıkalyq referendýmda qabyldanǵan Konstıtýtsııalyq reformadan týyndaıtynyn aıtty.

Memlekettik keńesshi búgingi saıası ahýalǵa toqtalyp, aldaǵy saılaý naýqandary qolǵa alǵan reformalardy iske qosýdyń jáne barlyq negizgi saıası ınstıtýttardy qaıta jańǵyrtýdyń tetigi ekenin erekshe atap ótti.

Erlan Qarınniń pikirinshe, saıası reformalardy iske asyrý arqyly memlekettik ınstıtýttar arasyndaǵy qarym-qatynastyń jańa prıntsıpteri qalyptasady. Sonymen qatar bılik tarmaqtarynyń ońtaıly teńgerimi jasalady. Nátıjesinde bılik ınstıtýttarynyń «kúshti Prezıdent – yqpaldy Parlament – esep beretin Úkimet» formýlasy boıynsha turaqty júıesi qurylady.

Foto: akorda.kz