Erlan Qarın Reseıdiń Mádenıet mınıstri Olga Lıýbımovamen kezdesti

ASTANA. QazAqparat - QR Memlekettik keńesshisi Erlan Qarın Reseı Federatsııasynyń Mádenıet mınıstri Olga Lıýbımovamen kezdesti, dep habarlaıdy QazAqparat Aqordanyń resmı saıtyna silteme jasap.

Kezdesýde eki el arasyndaǵy óner jáne mádenı yntymaqtastyq máseleleri talqylandy.

Memlekettik keńesshi Qazaqstan men Reseı arasyndaǵy mádenı qarym-qatynastardyń mańyzy jóninde atap ótti.

Óz kezeginde, Olga Lıýbımova ózara yntymaqtastyqty odan ári damytýǵa qatysty josparlary jaıynda aıtty.

Kezdesý sońynda taraptar mádenı-gýmanıtarlyq baǵyttaǵy ekijaqty dıalogty jalǵastyra berýge ýaǵdalasty.