Erlan Qarın Reseı Prezıdentiniń halyqaralyq mádenı yntymaqtastyq jónindegi arnaıy ókilimen kezdesti
NUR-SULTAN. QazAqparat - QR Memlekettik hatshysy Erlan Qarın Reseı Prezıdentiniń halyqaralyq mádenı yntymaqtastyq jónindegi arnaıy ókili Mıhaıl Shvydkoımen kezdesti, dep habarlaıdy QazAqparat Aqordanyń resmı saıtyna silteme jasap.
Kezdesýde eki el arasyndaǵy mádenı-gýmanıtarlyq yntymaqtastyqtyń qazirgi jaǵdaıy men damý perspektıvalary, sondaı-aq halyqaralyq qurylymdar aıasyndaǵy ózara is-qımyl máseleleri talqylandy.
Taraptar TMD-ǵa qatysýshy memleketterdiń Memleketaralyq gýmanıtarlyq yntymaqtastyǵy qory sheńberindegi yqpaldastyqty tereńdetý máselelerine nazar aýdardy.
Kezdesý sońynda taraptar mádenı-gýmanıtarlyq saladaǵy eki jaqty dıalogty odan ári jalǵastyrýǵa ýaǵdalasty.
