Erlan Qarın Prezıdenttiń mańyzdy saparlary týraly aıtty
NUR-SULTAN. QazAqparat – QR Prezıdentiniń keńesshisi Erlan Qarın Memleket basshysy Qasym-Jomarttyń Toqaevtyń sheteldik saparlaryna qatysty pikir bildirdi, dep habarlaıdy QazAqparat.
«Búgin QR Qasym-Jomart Toqaevtyń Germanııaǵa resmı sapary bastalyp jatyr. Memleket basshysy laýazymyna kiriskeli bul osymen shetel memleketine besinshi sapary, onyń ishinde úsheýi Memlekettik sapar mártebesine (Ózbekstan, QHR, Qyrǵyzstan) ıe boldy. Sonymen birge, Qasym-Jomart Toqaev Qazaqstanǵa saparmen kelgen 13 shetel kóshbasshysyn jáne delegatsııa ókilderin qabyldady», - dedi E. Qarın Telegram paraqshasynda.
Onyń sózine qaraǵanda, osy aralyqta Memleket basshysy 9 halyqaralyq forým men sammıtke qatysty.
Sonymen qatar, saparlar men túrli sharalarǵa qatysý barysynda Prezıdent ózge de elderdiń memleket jáne úkimet basshylarymen, halyqaralyq uıymdardyń jetekshilerimen, sheteldik saıası qaıratkerlermen, bıznes kompanııalar basqarýshylarymen, elshilermen jáne basqa da ókildermen jalpy 64 kezdesý men kelissóz júrgizdi.
«Jalpy Prezıdenttiń ishki jáne syrtqy saıası jumys kestesi óte mazmundy ári mańyzdy», - dep atap ótti QR Prezıdentiniń keńesshisi.
Eske sala ketsek, Memleket basshysy Qasym-Jomart Toqaev Germanııaǵa resmı saparmen kelgendigi týraly habarlaǵan bolatynbyz.
