Erlan Qarın: Prezıdent saılaýy týraly jarlyq jańa elektoraldy tsıkldy bastap berdi
«Prezıdent saılaýyn ótkizý týraly bastama keıingi úsh jyldaǵy saıası jańǵyrý baǵytyna tolyqqandy saı keledi. Konstıtýtsııalyq reforma bılik tarmaqtary arasyndaǵy ózara qarym-qatynastyń jańa, neǵurlym teńdestirilgen tártibin bekitti. Jańa úlgini iske qosý úshin memlekettiń Prezıdent, Parlament, Úkimet, máslıhattar sııaqty sheshýshi ınstıtýttaryn qosa alǵanda búkil saıası júıeni qaıta bastaý qajet», - deıdi Memlekettik keńesshi.
Sondaı-aq, bul rette sarapshylar men saıasat mańy ortalarynda aldaǵy elektoraldy naýqan týraly pikirtalas kópten beri órbip kele jatqanyna nazar aýdarady. Sarapshylardyń birqatary merziminen buryn saılaý ótkizý qajettigi týraly kóktemde aıtqanyna toqtalady.
«Qazirgi saılaýdyń ereksheligi – aldaǵy saılaý naýqany kestesiniń aldyn ala jarııa etilýinde bolyp otyr. Qasym-Jomart Toqaev Prezıdent saılaýy týraly tıisti jarlyqqa qol qoıǵannan bir aı buryn qulaqqaǵys etti. Al buǵan deıin merziminen buryn ótken saılaýlardyń barlyǵy olardyń kúni kórsetilgen jarlyqqa qol qoıylǵan kúni málim bolyp kelgen edi. Bul ýaqyt aldaǵy naýqannyń qoǵamda keńinen talqylanýyna ǵana emes, áleýetti qatysýshylardy aldyn ala daıyndaýǵa da jetkilikti boldy. Zań boıynsha saılaý kúni belgilengennen keıin eki aı ishinde ótedi, biraq is júzinde naýqan úsh aıǵa sozylady.
Qoǵamnyń birligi, memlekettiń turaqtylyǵy, eldiń kez kelgen ishki jáne syrtqy máselelerge durys jaýap bere alý qabileti tek qana teńdestirilgen jáne turaqty saıası júıe jaǵdaıynda ǵana qamtamasyz etiledi. Sondyqtan, geostrategııalyq týrbýlenttik ýshyǵa túsken kezde aldaǵy Prezıdent saılaýy bizdiń elimizdi keń kólemdi áleýmettik-ekonomıkalyq reformalar dyń jańa kezeńi qarsańynda biriktiretin eń mańyzdy faktorǵa aınalýy tıis», - deıdi Erlan Qarın.
Foto: akorda.kz
