Parlamenttik júıeni jetildirý: azamattardyń usynysy qalaı jınalady

ASTANA. KAZINFORM – Memleket basshysy Jumys tobynyń alǵashqy otyrysynda el azamattarynyń Parlamenttik reformany talqylaýǵa qatysýy mańyzdy ekenin atap ótti. Bul týraly Memlekettik keńesshi Erlan Qarın jelidegi paraqshasyna jazdy.

- Prezıdenttiń tapsyrmasy boıynsha memlekettik e-Otinish platformasynda jáne eGov servısinde azamattardyń parlamenttik júıeni jetildirý jónindegi usynystaryn jınaý uıymdastyrylady. Olar «Parlamenttik reforma» atty arnaıy bólimge usynystaryn joldap, eldiń saıası júıesin jańǵyrtýǵa úles qosa alady. 

Parlamenttik reformany memleket pen qoǵam arasyndaǵy ashyq dıalog arqyly júzege asyrý Memleket basshysynyń «Halyq únine qulaq asatyn memleket» tujyrymdamasynyń qaǵıdattaryna tolyq sáıkes keledi, - delingen jazbada.

Aıta keteıik, keshe Erlan Qarın aldaǵy ózgerister aýqymy týraly aıtyp, bul sharalardyń jańa Konstıtýtsııa qabyldaǵanmen birdeı ekenin málimdegen.