Erlan Qarın otandyq televızııa týraly: Qazaq aýdıtorııasynyń salmaǵy artyp keledi
ASTANA. QazAqparat - Elimizde qazaq tilinde jasalǵan jobalarǵa suranys artyp kele jatyr. Bul týraly «Qazmedıa» ortalyǵynda «Qazaqstan» RTRK» AQ Basqarma tóraǵasy Erlan Qarın aıtty, dep habarlaıdy «QazAqparat» HAA tilshisi.
«Qazaq aýdıtorııasynyń salmaǵy artyp kele jatyr. Sonymen birge, qazaq tilinde jasalǵan jobalarǵa degen suranys da kóbeıip keledi», - deıdi Erlan Qarın «Qazaqstan» ulttyq telearnasynyń aldaǵy jobalary týraly aıtqan sózinde.
Ol sonymen birge, ulttyq arnaǵa qatysty taǵy bir kórsetkishke nazar aýdarý kerektigin atap ótti.
«Jasalǵan barlyq ózgeristerdiń negizinde biz taǵy bir úlken jetistikke qol jetkizdik. Jańa baǵdarlamalardy engizý arqyly, jańa telejobalardy júzege asyrýdyń arqasynda, qoǵamdyq, mádenı, gýmanıtarlyq jobalardyń úlesin arttyryp, rebrendıng sharalarynyń arqasynda ulttyq arnanyń efırinde baǵdarlamalardyń 80 paıyzy - ózimizdiń tól ónimimiz bolyp otyr. ıAǵnı, basqa kóptegen arnalarda negizinen jobalardyń kóbi syrttan satylyp, tipti keıbir arnalarda olardyń alpys paıyzy shetelden alynsa, ulttyq arnada 80 paıyzy óz kúshimizben, otandyq kompanııalarmen jasalǵan telejobalar», - deıdi ol.
Erlan Qarın atalǵan kórsetkishti - ulttyq arnanyń negizgi jetistigi dep atady.
«Bul bizdiń televızııalyq salanyń búgingi kórermenge laıyqty deńgeıdegi ónimin jasaı alatyn qabiletin kórsete alady. Bul ulttyq arnanyń áleýetin kórsetedi», - dep túıdi E.Qarın.
