Erlan Qarın Mıhaıl Shvydkoımen kezdesti
ASTANA.KAZINFORM - Memlekettik keńesshi Erlan Qarın Astanada Reseı Federatsııasy Prezıdentiniń halyqaralyq mádenı yntymaqtastyq jónindegi arnaıy ókili Mıhaıl Shvydkoımen kezdesti. Bul týraly Aqordanyń baspasóz qyzmeti habarlady.
Áńgimelesý barysynda ekijaqty mádenı-gýmanıtarlyq yntymaqtastyqtyń ózekti máseleleri talqylanyp, teatr ónerindegi mádenı almasý jobalaryna, kórmeler uıymdastyrýǵa jáne basqa da birlesken bastamalarǵa nazar aýdaryldy.
Kezdesý sońynda taraptar belsendi dıalogty odan ári jalǵastyryp, ortaq mádenı-gýmanıtarlyq jobalardy damytý nıetin rastady.
Buǵan deıin Qazaqstan Premer-mınıstri Oljas Bektenov Reseı Federatsııasynyń Orynbor oblysynyń gýbernatory Evgenıı Solntsevti qabyldaǵan bolatyn.
Kezdesý barysynda saýda, ónerkásiptik kooperatsııa, kólik-logıstıkalyq ınfraqurylym salasyndaǵy óńiraralyq ózara is-qımyldyń, sondaı-aq mádenı-gýmanıtarlyq baılanystardy damytýdyń ózekti máseleleri qaraldy.
Qazaqstan-Reseı qatynastaryn damytýdyń negizgi faktorlarynyń biri retinde shekara mańy yntymaqtastyǵynyń róli ataldy.
Orynbor oblysy – Qazaqstannyń mańyzdy seriktesi jáne eleýli kólik-logıstıkalyq toraby. 2025 jyldyń qorytyndysy boıynsha Qazaqstan óńirleriniń Orynbor oblysymen taýar aınalymy 2024 jylmen salystyrǵanda 11,2%-ǵa ulǵaıyp, $627 mln boldy.