Erlan Qarın memlekettik jáne vedomstvolyq nagradalardyń biryńǵaı júıesin retke keltirýdi tapsyrdy
ASTANA. KAZINFORM - Erlan Qarın Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń otyrysyn ótkizdi, dep habarlaıdy Aqordanyń baspasóz qyzmeti.
Qazaqstan Respýblıkasy Memlekettik keńesshisi Erlan Qarınniń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń otyrysy ótti.
Komıssııa otyrysynda Mádenıet jáne aqparat mınıstrliginiń, sondaı-aq Aqtóbe oblysy ákiminiń esebi tyńdaldy. Erlan Qarın memlekettik rámizderdi qoldanýǵa jáne paıdalanýǵa qatysty birqatar ózekti máselelerdi atap ótti. Sondaı-aq osy baǵyttaǵy jumysty jetildirý boıynsha naqty tapsyrmalar berdi.
Jıyn barysynda óńirlerde memlekettik rámizderdi paıdalaný baǵytyndaǵy baqylaýdy kúsheıtý jáne jumystyń tıimdiligin arttyrý usynyldy. Sonymen qatar bekitilgen standarttardyń saqtalýyn qamtamasyz etý maqsatynda ýákiletti organdarǵa memlekettik rámizderdi daıyndaıtyn mekemelermen jumys atqarý usynyldy.
Otyrystyń qorytyndysy boıynsha Erlan Qarın memlekettik organdarǵa zańnamalyq bazany jetildirý, memlekettik jáne vedomstvolyq nagradalardyń biryńǵaı júıesin retke keltirý úshin birlesken jumystardy ózara úılestirýdi tapsyrdy.
