Erlan Qarın memlekettik organdarǵa etnosaralyq kelisimdi nyǵaıtýǵa qatysty tapsyrma berdi
ASTANA. KAZINFORM – Memlekettik keńesshi etnosaralyq kelisimdi nyǵaıtý máselelerine arnalǵan respýblıkalyq jıyn ótkizdi. Bul týraly Aqordanyń baspasóz qyzmeti habarlady.

Jıynǵa Prezıdent Ákimshiligi qurylymdyq bólimsheleriniń basshylary, ortalyq memlekettik organdardyń ókilderi, sondaı-aq Túrkistan oblysynyń ákimi qatysty.
Basqosýda etnosaralyq turaqtylyqty qamtamasyz etý salasyndaǵy ózekti mindetter men 2025 jylǵa arnalǵan jospary tanystyrylyp, halyq arasynda aqparattyq-túsindirý jumystaryn júrgizý týraly baıandaldy. Sonymen qatar qatysýshylar jalpyulttyq yntymaqtastyqty damytý boıynsha aldaǵy ýaqytta atqarylatyn sharalarǵa toqtaldy.
Erlan Qarın memlekettik organdardyń osy baǵytta júıeli ári keshendi jumys júrgizip jatqanyn atap ótti. Sondaı-aq bul iske turaqty túrde tyń tásilder engizý qajet ekenine nazar aýdardy.
Jıyn sońynda Memlekettik keńesshi jaýapty memlekettik organdarǵa etnosaralyq kelisim men birlikti qamtamasyz etýge qatysty ishki saıasat salasynyń basym baǵyttary boıynsha naqty tapsyrmalar berdi.
Qazaqstan halqy Assambleıasy óziniń 30 jyldyq mereıli jylynda memlekettik tildiń etnosaralyq qatynas quraly retindegi rólin arttyrý, etnomedıatsııa tájirıbesin keńinen engizý jáne etnosaıasat salasynda halyqaralyq yntymaqtastyqty arttyrýǵa basa den qoıatynyn jazǵan bolatynbyz.