Erlan Qarın mekteptegi tárbıe baǵdarlamasyna qatysty jıyn ótkizdi
ASTANA. KAZINFORM – Memlekettik keńesshi Erlan Qarınniń tóraǵalyǵymen jalpyulttyq qundylyqtarǵa negizdelgen «Adal azamat» atty jańartylǵan tárbıe baǵdarlamasyn júzege asyrý máseleleri jóninde jıyn ótti. Bul týraly Aqordanyń baspasóz qyzmeti habarlady.
Basqosýda Oqý-aǵartý mınıstri Ǵanı Beısembaev pen Bala quqyqtary jónindegi ýákil Dınara Zákıeva baıandama jasady.
Erlan Qarın baǵdarlamanyń negizgi mindeti óskeleń urpaqqa tálim-tárbıe berý jumysyn jetildirý jáne júıeleý ekenin aıtty. Atalǵan jumys barlyq bilim berý mekemelerin qamtýǵa tıis.
Memlekettik keńesshi tárbıe úderisinde keshendi tásil qoldaný, ıaǵnı, memleket, mektep jáne ata-ana arasyndaǵy tyǵyz yqpaldastyqty jolǵa qoıý qajet ekenin eskertti.
Jıyn sońynda tárbıe baǵdarlamasyn mektepter men kolledjderge engizý jumysyn jalǵastyrý týraly tapsyrma berildi.