Erlan Qarın Májilis jáne máslıhattar depýtattary saılaýynda daýys berdi

ASTANA. QazAqparat – Memleket keńesshi Erlan Qarın saılaýda óz tańdaýyn jasady,dep habarlaıdy QazAqparat tilshisi.

Erlan Qarın elordadaǵy №111 saılaý ýchaskesinde daýys berdi. Atalǵan saılaý ýchaskesinde 2744 daýys berýshi tirkelgen.

Buǵan deıin habarlaǵanymyzdaı, Astana ýaqytymen tańǵy saǵat 4-te Seýlde №258 jáne Tokıoda №261 saılaý ýchaskeleri álemde birinshi bolyp ashyldy.

Ońtústik Koreıadaǵy QR azamaty kýrsant Asanov Elnýr birinshi bolyp daýys berdi.

QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń 69 depýtaty, bir mandatty aýmaqtyq saılaý okrýgteri boıynsha – 29 depýtat saılanady.

19 qańtarda Memleket basshysy Qasym-Jomart Toqaev jetinshi saılanǵan QR Parlamentiniń Májilisin taratý jáne 19 naýryz kúni Parlament Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıǵan edi. Bul kúni Májilispen qatar máslıhat depýtattaryn da kezekten tys saılaý usynyldy.

Bul kúni 12 mln-ǵa jýyq azamat tańdaý jasaıdy. Aldyn ala turǵylyqty jeri boıynsha 11 970 406 saılaýshy anyqtaldy. Saılaýshylardyń eń kóbi – 1 177 507 saılaýshy Túrkistan oblysynda, al eń azy – 138 277 saılaýshy Ulytaý oblysynda tirkelgen.