Erlan Qarın Mańǵystaýda jastar kadrlyq rezerviniń ókilderimen kezdesti

AQTAÝ. QazAqparat - Qazaqstan Respýblıkasy Prezıdentiniń kómekshisi Erlan Qarın jumys saparymen Mańǵystaý oblysynda boldy. Bul týraly QazAqparat ákimdiktiń jelidegi paraqshasyna silteme jasap habarlaıdy.

Sapar barysynda E.Qarın Memleket basshysynyń tapsyrmalaryn oryndaý boıynsha jergilikti atqarýshy organdarmen birqatar kezdesýler ótkizdi. Aımaqta vaktsınatsııany, ulttyq halyq sanaǵyn uıymdastyrý, áleýmettik mańyzdy ónimderge baǵany turaqtandyrý jáne ózge de ózekti máseleler qarastyryldy.

Sonymen qatar, Prezıdent kómekshisi qoǵam belsendilerimen, shyǵarmashylyq zııaly qaýymmen, Prezıdenttiń jastar kadrlyq rezerviniń ókilderimen kezdesýler ótkizilip, Mańǵystaý óńirin damytýdyń negizgi tetikterin pysyqtady.

Jumys sapary aıasynda E.Qarın Jańaózen qalasyna, Munaıly aýdanyna, Batyr jáne Qyzyltóbe aýyldaryna baryp, eldi mekenderdiń áleýmettik-ekonomıkalyq damýy boıynsha birqatar jıyndar ótkizdi.