Erlan Qarın: Konstıtýtsııalyq zańdar paketi saıası reformalardyń quqyqtyq negizin kúsheıtedi
ASTANA. KAZINFORM – Memlekettik keńesshisi Erlan Qarın konstıtýtsııalyq zańdar paketiniń qabyldanýy memlekettik saıasattyń tujyrymdamalyq bastamalardan naqty quqyqtyq tetikterge deıingi júıeli ári dáıekti sıpatyn bekitetinin atyp ótti.
Bul týraly ol áleýmettik jelidegi paraqshasynda jazdy.
Búgin Parlament palatalarynyń birlesken otyrysynda depýtattar ekinshi oqylymda 6 Konstıtýtsııalyq zańdy qabyldady:
1. «Qazaqstan Respýblıkasynyń Prezıdenti týraly»;
2. «Qazaqstan Respýblıkasynyń Quryltaıy jáne onyń depýtattarynyń mártebesi týraly»;
3. «Qazaqstan Halyq Keńesi týraly»;
4. «Qazaqstan Respýblıkasy astanasynyń mártebesi týraly»;
5. «Qazaqstan Respýblıkasynyń ákimshilik-aýmaqtyq qurylysy týraly»;
6. «Birqatar konstıtýtsııalyq zańdardy Konstıtýtsııaǵa sáıkestendirý týraly» (saılaý týraly, respýblıkalyq referendým týraly, Úkimet týraly, sot júıesi týraly, Konstıtýtsııalyq Sot týraly, Adam quqyqtary jónindegi ýákil týraly, Prokýratýra týraly jáne basqa da zańdar).
— Atalǵan konstıtýtsııalyq zańdar paketiniń qabyldanýy memlekettik saıasattyń tujyrymdamalyq bastamalardan naqty quqyqtyq tetikterge deıingi júıeli ári dáıekti sıpatyn bekitedi. Bul — jańartylǵan memlekettik-saıası modeldiń quqyqtyq negizderin nyǵaıtatyn 2026 jylǵy Konstıtýtsııalyq reformany júzege asyrýdaǵy asa mańyzdy kezeń, — dedi Erlan Qarın.
Aıta ketelik Parlament Prezıdent pen vıtse-prezıdenttiń quqyqtyq jaǵdaıyn aıqyndaıtyn Zań qabyldaǵan edi.
