Erlan Qarın: Konstıtýtsııalyq reformany iske asyrý jumysy júıeli túrde jalǵasyp jatyr
ASTANA.KAZINFORM – Bıylǵy naýryzda ótken referendýmda qabyldanǵan jańa Konstıtýtsııaǵa sáıkes, Qazaqstan Respýblıkasynyń ákimshilik-aýmaqtyq qurylysy, astananyń mártebesi, sondaı-aq Qazaqstan Halyq Keńesin qurý, onyń quramyn qalyptastyrý tártibi, ókilettikteri men qyzmetin uıymdastyrý konstıtýtsııalyq zańdarmen aıqyndalady. Bul týraly Memlekettik keńesshi Erlan Qarın áleýmettik jelidegi paraqshasynda jazdy.
Búgin Parlament palatalarynyń birlesken otyrysynda depýtattar birinshi oqylymda kelesideı Konstıtýtsııalyq zań jobalaryn qarady:
1. «Qazaqstan Respýblıkasynyń ákimshilik-aýmaqtyq qurylysy týraly»;
2. «Qazaqstan Respýblıkasy astanasynyń mártebesi týraly»;
3. «Qazaqstan Halyq Keńesi týraly».
Ákimshilik-aýmaqtyq qurylys jáne astananyń mártebesi týraly konstıtýtsııalyq zańdar memlekettiń aýmaqtyq uıymdastyrylýynyń ornyqty quqyqtyq negizin qalyptastyrýǵa, sondaı-aq memlekettik basqarý organdary jumysynyń tıimdiligin arttyrýǵa baǵyttalǵan.
«Qazaqstan Halyq Keńesi týraly» konstıtýtsııalyq zańnyń erejeleri memleket pen qoǵamnyń ózara is-qımylynyń progressıvti ınstıtýtsıonaldyq modelin qalyptastyrýǵa, qabyldanatyn sheshimderdiń sapasyn arttyrýǵa, qoǵamdyq kelisimdi nyǵaıtýǵa jáne azamattardyń memlekettik basqarýǵa qatysý tetikterin damytýǵa arnalǵan. Bul jańa Konstıtýtsııanyń 4-babyndaǵy «halyq – memlekettik bıliktiń birden-bir bastaýy» degen normaǵa tolyq sáıkes keledi.
Osylaısha, konstıtýtsııalyq reformany iske asyrý jumysy júıeli túrde jalǵasyp jatyr.
