Erlan Qarın Qyrǵyz Respýblıkasy Memlekettik hatshysymen kezdesti
ASTANA. KAZINFORM – Memlekettik keńesshi Erlan Qarın Almatyda Qyrǵyz Respýblıkasynyń Memlekettik hatshysy Marat Imanqulovpen kezdesti. Bul týraly Aqordanyń baspasóz qyzmeti habarlady.
Mártebeli meımanǵa Prezıdent Qasym-Jomart Toqaevtyń elimizdi odan ári jańǵyrtýǵa baǵyttalǵan jańa bastamalary týraly aıtyldy.
Qyrǵyzstan ókili mádenıet jáne bilim salasyndaǵy jobalardy júzege asyrý josparymen bólisti.
Kezdesýde eki el arasyndaǵy mádenı-gýmanıtarlyq yntymaqtastyqty tereńdetý perspektıvasy talqylandy. Taraptar birlesken jobalardy júzege asyrýǵa jáne shyǵarmashylyq baǵyttaǵy bastamalardy qoldaýǵa daıyn ekenin jetkizdi.
Sonymen qatar Erlan Qarın men Marat Imanqulov Ulttyq ortalyq mýzeıge bardy jáne Toqtaǵul Satylǵanov atyndaǵy Qyrǵyz ulttyq fılarmonııasy áıgili jazýshy Shyńǵys Aıtmatov povesiniń jelisimen qoıǵan «Jámılá» mıýzıklin tamashalady.
Aıta keteıik, «Egemen Qazaqstan» gazetinde Qazaqstan Respýblıkasynyń Memlekettik keńesshisi Erlan Qarınniń maqalasy jarııalandy.