Erlan Qarın: qazirgi basty mindettiń biri – ulttyń jańa sapasyn qalyptastyrý
ASTANA. KAZINFORM - Memlekettik keńesshi Erlan Qarın Qazaqstan Respýblıkasy Prezıdenti janyndaǵy Memlekettik basqarý akademııasynyń tyńdaýshylary men oqytýshy-professorlarynyń aldynda sóz sóıledi, dep habarlaıdy Aqordanyń baspasóz qyzmeti.
Erlan Qarın Qasym-Jomart Toqaevtyń saıası baǵdarynyń ıdeologııalyq sıpaty elimizdegi barlyq ózgeristiń bastaýynda turǵan «Ádiletti Qazaqstan» tujyrymdamasynda kórinis tapqanyn atap ótti.
Memlekettik keńesshi Qazaqstanda júrgizilip jatqan saıası, ekonomıkalyq jáne áleýmettik-mádenı reformalardyń mán-mańyzy, maqsaty jáne negizgi kezeńderi men nátıjeleri týraly áńgimelep berdi.
Erlan Qarınniń pikirinshe, qazirgi basty mindettiń biri – ulttyń jańa sapasyn qalyptastyrý jáne qoǵamdy jańa qundylyqtar júıesi negizinde ortaq maqsatqa uıystyrý. Bul qundylyqtardy Memleket basshysy Ulttyq quryltaıdyń ІІІ otyrysynda aıqyndap berdi.
Memlekettik keńesshi ishki saıasatta árdaıym ózimizdiń kún tártibimizdi basshylyqqa alý qajettigin atap ótti. Bizdiń ishki saıasatymyz jasampazdyqqa negizdelgen jáne jan-jaqty jańǵyrýdy jáne reformalar júrgizýdi kózdeıdi.
Sóziniń sońynda Erlan Qarın Akademııa tyńdaýshylarynyń jáne osy oqý orny qyzmetkerleriniń suraqtaryna jaýap berdi.
