Erlan Qarın Qazaqstannyń strategııalyq zertteýler ınstıtýtynyń ujymyna jańa dırektordy tanystyrdy
ASTANA. KAZINFORM – Memlekettik keńesshi Erlan Qarın Prezıdent janyndaǵy Qazaqstannyń strategııalyq zertteýler ınstıtýtynyń ujymyna Memleket basshysynyń ókimimen ınstıtýttyń dırektory qyzmetine taǵaıyndalǵan Jandos Shaımardanovty tanystyrdy. Bul týraly Aqorda málim etti.
Sondaı-aq Erlan Qarın Instıtýttyń burynǵy dırektory Erkin Tuqymovqa atqarǵan jumysy úshin alǵys bildirdi.
— Memlekettik keńesshi ınstıtýt basshysyna taldaý materıaldaryn sapaly ázirleýge, zertteý ádistemesin jetildirýge, jańa baǵyttardaǵy jumysty jandandyrýǵa jáne taldaýmen aınalysatyn basqa da qurylymdarmen ózara is-qımyldy kúsheıtýge qatysty mańyzdy mindetter júktedi, — delingen habarlamada.
Buǵan deıin habarlanǵandaı, Memleket basshysynyń ókimimen Jandos Shaımardanov Prezıdent janyndaǵy Qazaqstannyń strategııalyq zertteýler ınstıtýtynyń dırektory laýazymyna taǵaıyndalǵan edi.