Erlan Qarın ISESKO Bas dırektory Salım bın Muhammed Ál-Malıkpen kezdesti

ASTANA. KAZINFORM — Memlekettik keńesshi Erlan Qarın Islam áleminiń bilim, ǵylym jáne mádenıet uıymynyń (ISESKO) bas dırektory Salım bın Muhammed Ál-Malıkpen kezdesý ótkizdi. Bul týraly Aqorda málim etti.

Áńgimelesý barysynda Qazaqstannyń ISESKO-men bilim, ǵylym jáne mádenıet salalaryndaǵy yntymaqtastyǵynyń negizgi baǵyttary talqylandy.

— Erlan Qarın dástúrli «Toǵyzqumalaq» oıynynyń Islam álemi muralarynyń tizimine engizilgeni úshin rızashylyq bildirdi. Sondaı-aq Qazaqstannyń «Oıý-órnek», «Qarmaqshy jyraý» sekildi ulttyq nomınatsııalaryn odan ári ilgeriletýdiń mańyzyn atap ótti, — delingen habarlamada.

Salım Ál-Malık Qazaqstannyń bastamalaryn joǵary baǵalap, elimiz ISESKO-nyń senimdi seriktesi ekenin, sonymen qatar ózara is-qımyldy nyǵaıtýǵa yqpal etetin jańa ıdeıalarǵa ashyqtyǵyn jetkizdi.

Kezdesý qorytyndysy boıynsha taraptar ózara túsinistikti nyǵaıtýǵa baǵyttalǵan yntymaqtastyqty damytýǵa beıil ekenderin rastady.

Aıta keteıik, buǵan deıin Memlekettik keńesshi halyqaralyq ǵylymı-praktıkalyq konferentsııaǵa qatysqan bolatyn.