Erlan Qarın Halyqaralyq Túrki akademııasynyń prezıdenti Darhan Qydyrálimen kezdesti
Kezdesýde Memlekettik keńesshi túrkitildes memleketter arasyndaǵy mádenı-gýmanıtarlyq baılanystardyń mańyzdylyǵyn aıtyp, elimizdiń bilim, ǵylym salasyndaǵy basym baǵyttardy atap ótti. Erlan Qarın Memleket basshysynyń Ulttyq ǵylym akademııasynda jáne Ulttyq quryltaıda sóılegen sózderinde aıtylǵan rýhanııat, mádenıet, bilim, ǵylym salalary boıynsha bastamalarynyń máni men mańyzyna toqtaldy.
Darhan Qydyráli Túrki akademııasynyń bilim, ǵylym baǵytynda atqarǵan jumystary jóninde, onyń ishinde, halyqaralyq uıym sheńberinde Ahmet Baıtursynulynyń 150 jyldyq jáne Muhtar Áýezovtiń 125 jyldyq mereıtoılary aıasynda ótken is-sharalar týraly baıandady. Budan bólek, pandemııadan keıin jalǵasqan Mońǵolııadaǵy arheologııalyq qazba jumystary men ekspedıtsııalardyń barysyn jetkizdi.
Bıyl túrkitildes memleketteri arasyndaǵy yntymaqtastyqtyń ornaǵanyna 30 jyl tolady. Osyǵan oraı Akademııa prezıdenti baýyrlas elderdiń yqpaldastyǵyn arttyrýǵa qatysty oıymen bólisip, aıtýly datany atap ótý jaıyndaǵy usynystaryn aıtty.
