Erlan Qarın elde turaqtylyq ornatý úshin Qazaqstan halqynyń birligi qajet ekenin aıtty
«Bilesiz be, men bul kúnderi ártúrli jaıttardy kórdim. Men túni boıy qorǵanysta turýǵa daıyn polıtsııa qyzmetkerlerin kórdim. Men kóptegen habarlamalardy kórdim, ókinishke qaraı, bárine jaýap bere almadym. Dostarymnan, áriptesterimnen, beıtanys adamdardan nemese direct-ke «qandaı kómek bere alamyz» degen mándegi kóptegen habarlamalar kelip jatty», - dedi Erlan Qarın «Habar 24» telearnasyna bergen suhbatynda.
Memlekettik hatshynyń pikirinshe, qazir halyqtyń bir-birine degen eń úlken kómegi yntymaqty saqtaýy bolmaq.
«Eń bastysy, yntymaq ár isimizden kórinis taba alady. Bul bizdiń kóshede, polıtsııa organdarynda, qoǵamdyq tártipti saqtaýda qosqan kómegimizden kórinýi múmkin. Bizdiń kómegimiz elimizge aqparattyq shabýyldy boldyrmaý bolýy múmkin. Bizdiń kómegimiz jalǵan aqparatty bólispegende, ózdigimizden jalǵan aqparattyń jolyn kesken kezde, áli de tolassyz tarap jatqan jalǵan aqparatttardyń bárin súzgiden ótkizsek, sol da kómek bolýy múmkin. Keıbir máseleler boıynsha ártúrli ıdeologııalyq ustanymdarda bolyp kórinetin adamdardan da habarlamalar kelip jatty. «Dál qazir biz birgemiz, qandaı kómek bere alamyz» dep suraǵan kezde azamattar shynaıy judyryqsha jumylǵan sát boldy dep oılaımyn», - dedi Erlan Qarın.
