Erlan Qarın: Elbasy maqalasy - ulttyń jańa saıası platformasy
ASTANA. QazAqparat - Elbasy maqalasy qazirdiń ózinde ulttyń uıysýyna áser etip otyr. Maqala jarııalanǵannan beri júrgizilgen monıtorıngti, áleýmettik jeliler men kezdesýlerde aıtylǵan pikirlerdi saraptasaq, qoǵamda yntymaqtasýdyń erekshe kórinisi oryn alǵanyn baıqaımyz.
Túrli kózqaras pen saıası baǵyttaǵy adamdarmen kezdeskenimizde aıtarlyqtaı pikir qaıshylyǵy, antagonızm, úzildi-kesildi qarsylyq bolǵan joq. Memleket basshysynyń «Bolashaqqa baǵdar: rýhanı jańǵyrý» atty maqalasyna qatysty«Egemen Qazaqstan» respýblıkalyq basylymynyń tilshisine bergen suhbatynda «Qazaqstan» RTRK» AQ-nyń basqarma tóraǵasy, belgili saıasattanýshy Erlan Qarın osyndaı pikir bildirdi, dep habarlaıdy QazAqparat.
«ıAǵnı ortaq múddeler men qundylyqtar tóńireginde uıysýǵa, birliktiń artýyna ıgi áser etti. Qazaq qoǵamynda da ońshyl, solshyl, ultshyl jáne basqa kózqarastaǵy toptar bar. Biraq, kóterilgen taqyryptar qoǵamnyń osyndaı barlyq belsendi toptaryn qamtydy. Osy ýaqytqa deıin sarapshylar oǵan strategııalyq qujat, baǵdarlamalyq maqala dep túrli baǵasyn berdi. Meniń túsinigimde, bul - ulttyń jańa saıası platformasy»,-deıdi basqarma tóraǵasy.
Onyń paıymdaýynsha, Elbasy maqalasy qazaqtyń ıntellektýaldy toptaryna úlken serpilis berdi, qozǵalys paıda boldy.
«Osy ýaqytqa deıin qazaq qoǵamy ishki máseleler tóńireginde tejelip turǵan sııaqty edi. Álemdik saıası, áleýmettik, tehnologııalyq úderister qarqyndy túrde artqan tusta elıtalyq toptarymyzǵa jahandyq úrdister men ulttyq múddelerdi teń esepke ala otyryp, taldaý jetispeı jatady. Osy turǵydan Elbasymyz qandaı da bir qujat qabyldaýda, baǵdarlama jasaýda álemdik úderisterdi árqashan esten shyǵarmaı júzege asyrýǵa tyrysatyn birden-bir tulǵa. Ásirese, sońǵy jyldardaǵy ár Joldaýy aınalada qalyptasqan túrli geosaıası, ekonomıkalyq protsesterdi tizbekteýmen bastalady. Elimizde paıda bolǵan úrdisterdi mysalǵa keltirip, belgili bastamalardy kóteredi»,-deıdi sarapshy.
Sondaı-aq ol sózinde maqalanyń Elbasynyń jahandyq, aımaqtyq túrli protsesterdi, eldegi naqty úrdisterdi jáne qordalanǵan ishki máselelerdi saraptaý nátıjesindegi oılarynyń jıyntyǵy ekendigin atap ótti.
