Erlan Qarın: blogtar - azamattyq qoǵamnyń bir oshaǵy
ALMATY. 19 naýryz. QazAqparat /Erlik Erjanuly/ - Bolashaqta blogtar qoǵamdyq kóńil-kúıdi áleýmettik ólsheý nemese marketıngtik zertteýler úshin qajetti qural bolýy múmkin. Bul týraly búgin Almatyda ótip jatqan qazaq blogerleriniń tuńǵysh quryltaıynda aıtyldy.
«Buqaralyq aqparat quraldaryna qaraǵanda qazaq blogy salasy ózekti qoǵamdyq-saıası oqıǵalardy, eldiń áleýmettik-ekonomıkalyq salasyndaǵy jańalyqtarly talqylaýǵa baǵyttalmaǵan. Bul túrli sebepterge baılanysty bolýy múmkin - aýdıtorııanyń baǵdary, blogerler pikiriniń táýelsizdigi men olardyń taqyrypty tańdaýdaǵy erkindigi. Qazaq tildi BAQ-taǵy kontent-taldaýǵa qaraǵanda ony áleýmettaný maqsatynda qoldanýǵa paıdasy shamaly», - deıdi «Nur Otan» HDP-nyń hatshysy Erlan Qarın.
Qazaq blogerleriniń ózge de erekshelikterin sóz etken saıasattanýshynyń aıtýynsha, qazaq blogy salasy men qazaq tildi aqparat quraldarynyń ortaq taqyryby bary baıqalady. Ol - qazaq tiliniń jaǵdaıy men damý keleshegi máseleleri. Al qazaq blogy men orys tildi aqparat quraldaryndarynyń taqyryptarynyń arasynda uqsastyq múldem joq deýge bolady. E. Tynymbaıulynyń sózine qaraǵanda, Qaznettegi orys tildi blogtarda kommertsııalaný bastalyp jatyr. Qazaq tildi resýrstardyń damýynda tek qana avtorlardyń belsendiligi men shyǵarmashylyq qyzǵýshylyǵy basym. Bul qazaq blogynyń artyqshylyǵy da, kemshiligi de bola alady. Jalpy, blogtardy azamattyq qoǵamynyń bir oshaǵy dep qarastyrýǵa bolady. Qazaq blogy salasy bolashaqta adamdardyń táýelsiz qaýymdastyǵy jáne mańyzdy áleýmettik jobalardy júzege asyrý alańy bola alady.
