Erlan Qarın bilim berý mekemelerindegi tárbıe jumysyn uıymdastyrýǵa qatysty jıyn ótkizdi

ASTANA. KAZINFORM – Jıynda bilim berý mekemelerindegi tárbıe jumysynyń mazmunyn baıytýǵa jáne onyń sapasyn arttyrýǵa múmkindik beretin tásilder men ustanymdar talqylandy. Bul týraly Aqorda málim etti.

Basqosýda Oqý-aǵartý mınıstri Ǵanı Beısembaev pen Y.Altynsarın atyndaǵy Ulttyq bilim akademııasynyń basshysy Názıpa Aıýbaeva baıandama jasady.

Memlekettik keńesshi pedagogterdiń aldaǵy Tamyz keńesinde mektepterdegi tárbıe jumysyn odan ári jetildirýge arnalǵan taqyryptyq alańdar uıymdastyrýdy tapsyrdy.

Bul rette Erlan Qarın tárbıe jumysyna jan-jaqty qarap, memleket, mektep jáne ata-ana birge atsalysýy qajet ekenine nazar aýdardy. Sonda ǵana bul jumys tabysty bolady.

Jıyn sońynda memlekettik organdarǵa barlyq bilim berý mekemelerine birtutas tárbıe baǵdarlamasyn engizý jumysyn jalǵastyrý týraly tapsyrma berildi.

Buǵan deıin habarlanǵandaı, Memlekettik keńesshi Erlan Qarın Prezıdenttiń IV Ulttyq quryltaı otyrysynda bergen tapsyrmalaryn júzege asyrý boıynsha jıyn ótkizgen bolatyn.