Erlan Qarın beıbit jınalystar týraly zańǵa pikir bildirdi
NUR-SULTAN. QazAqparat - QR Prezıdentiniń keńesshisi Erlan Qarın Májilis qabyldaǵan «Qazaqstan Respýblıkasynda beıbit jınalystar uıymdastyrý men ótkizý tártibi týraly» jańa zańǵa qatysty pikir bildirdi, dep habarlaıdy QazAqparat.
«Búgin Parlament «Qazaqstan Respýblıkasynda beıbit jınalystar uıymdastyrý men ótkizý tártibi týraly» jańa zańdy qabyldady. Bul - ótken jyldyń jeltoqsanynda ótken Ulttyq qoǵamdyq senim keńesiniń 2-otyrysynda Prezıdent Qasym-Jomart Toqaev bastamashylyq jasalyq saıası reformalar toptamasyndaǵy birinshi zań. Alaıda, Ulttyq keńestiń qurylatyndyǵy jarııa etilgen kezde keıbir sarapshylar men qoǵam qaıratkerleri «bılik talqylaýlarǵa, oǵan qosa saıası reformalardy júzege asyrýǵa bara qoımas» dep kúdikterin bildirgen edi. Degenmen, Qasym-Jomart Toqaev óziniń birinshi prezıdenttik birinshi joldaýynda saıası jańǵyrýsyz ekonomıkalyq reformlardy júzege asyrý múmkin emestigin naqty málimdep, mıtıng týraly zańnamaly jetildirý qajettigin atap ótken bolatyn. Al Ulttyq keńestiń 2-otyrysynda sonaý 1995 jyly qabyldanǵan qoldanystaǵy zańnyń ornyna jańasyn qabyldaý jáne onyń aıasynda mıtıngterdi uıymdastyrý men ótkizýde habarlandyrý prıntsıpin engizý qajettigin málimdedi», - dep jazdy Erlan Qarın Telegram paraqshasynda. https://web.telegram.org/#/im?p=@erlankarin
Onyń atap ótýinshe, qańtar aıynyń sońynda zań jobasy qoǵamnyń keńinen talqylaýyna shyǵaryldy. Dál osy zań jobasyndaı buǵan deıin birde-bir qujat keńinen ári belsendi talqyǵa túsken emes. Tek aqpan aıynyń ózinde túrli alańdarda 20-dan astam túrli pikirtalas boldy. 10 naýryzda zań jobasy Parlament Májilisiniń qaraýyna engizildi. QR Parlamenti Májilisi Zańnama jáne sot-quqyqtyq reforma komıtetinde qujatty qaraý barysynda quqyq qorǵaýshylardyń, sarapshylar men qoǵam qaıratkerleriniń, onyń ishinde Ulttyq keńes músheleriniń qatysýymen jumys tobynyń 14 otyrysy ótti.
«Buǵan qosa, talqylaý óte qarqyndy, kúnine birneshe saǵat júrdi. Tek túske asqa toqtatylyp, odan keıin pikirtalas qaıta jalǵasty. Májilistegi, odan keıin Senattaǵy qyzý pikirtalastardyń qorytyndysynda qujat usynymdardy eskere otyryp daıyndaldy jáne qabyldandy», - dedi ol.
Prezıdent keńesshisiniń aıtýynsha, jańa zań beıbit jınalystardy ótkizýmen uıymdastyrýdyń habarlandyrý prıntsıpin, mıtıngterdi ótkizý úshin qalanyń ortalyq bóliginde aýdandar bekitýdiń mindetti normasyn jáne ózge de jańashyldyqtary qamtıdy.
«Biraq, jańa zań normalar men erejelerdiń tek qana jańa jıyntyǵy emes. Bul qoǵamdyq saıasattaǵy paradıgmanyń túbegeıli aýysýy. Prezıdent Toqaevtyń saıası reformalar toptamasyndaǵy ózge de bastamalar sııaqty ol saıası tájirıbege jańa prıntsıpter men ádister engizedi. Munyń barlyǵy jınalyp kelgende saıası mádenıettegi pozıtıvti qundylyqtar ózgerisine alyp keledi», - dedi Erlan Karın.
