Erlan Qarın batystaǵy qoǵam belsendilerimen balalardy qorǵaý máselesin talqylady
ASTANA. KAZINFORM — Memlekettik keńesshi Batys Qazaqstan oblysynda qoǵam belsendilerimen birqatar kezdesý ótkizdi.
Memlekettik keńesshi Erlan Qarın Ulttyq quryltaı músheleri Aıman Omarova, Nurlan Dýlatbekov, Tólegen Búkirov, Qaıyrbek Arystanbekov, Aınur Sábıtova, ıÝrıı Shın, Toqtarbaı Kerimqulov jáne Baýyrjan Ǵubaıdýllınmen birge Batys Qazaqstan oblysynda birqatar kezdesý ótkizdi.
Atap aıtqanda Erlan Qarın men Ulttyq quryltaı músheleri oblystyq qoǵamdyq keńes ókilderimen júzdesip, elimizde jáne óńirde Prezıdenttiń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýyn júzege asyrý máselesin talqylady.
Sonymen qatar Batys Qazaqstan oblysynyń zııaly qaýym ókilderimen — ǵalymdarmen, mádenıet jáne óner qaıratkerlerimen, jazýshylarmen jáne qoǵam belsendilerimen kezdesý ótti.
Basqosýda Erlan Qarın Ulttyq quryltaıdyń bilim berý, ǵylym jáne mádenıet salalaryndaǵy jalpyulttyq jobalary týraly aıtty.
Memlekettik keńesshi mektep dırektorlarymen ótken jıynda bıylǵy oqý jylynan bastap qolǵa alynǵan «Birtutas tárbıe» atty jańa baǵdarlamany talqylady.
Sondaı-aq Erlan Qarın Balalardy zorlyq-zombylyqtan qorǵaý, sýıtsıdtiń aldyn alý jáne olardyń quqyqtary men salamattyǵyn qamtamasyz etý jónindegi 2023-2025 jyldarǵa arnalǵan keshendi jospardy júzege asyrý aıasynda bıyl shilde aıynda ashylǵan Psıhologııalyq qoldaý kórsetýdiń oblystyq ádistemelik ortalyǵynyń jumysymen tanysty.
Budan bólek, Ulttyq quryltaı músheleri advokat Aıman Omarova men zańger Aınur Sábıtova turmystyq zorlyq-zombylyq qurbandaryna arnalǵan Daǵdarys ortalyǵyna bardy.
Onda azamattyq qoǵam belsendileri áıelderdiń quqyqtaryn qorǵaýdy jáne balalardyń qaýipsizdigin qamtamasyz etýdi kózdeıtin zań aıasyndaǵy sharalardy júzege asyrý máseleleri jóninde pikir almasty.
Sondaı-aq sapar barysynda Memlekettik keńesshi oblys ákimi Narıman Tóreǵalıevtiń, qala jáne aýdan ákimderiniń, memlekettik organdar basshylarynyń qatysýymen ishki saıasat máselelerine qatysty jınalys ótkizdi.
Jıynǵa qatysýshylar azamattyq qoǵamdy damytý, el birligin nyǵaıtý, onomastıkalyq jumysty úılestirý, jastardy qoldaý syndy ıdeologııalyq jumystyń basqa da mańyzdy baǵyttaryna qatysty Prezıdent bastamalarynyń júzege asyrylý barysyn jáne onyń aralyq qorytyndysyn talqylady.
Óńirlerdegi mundaı kezdesýlerdiń maqsaty — jurtshylyqpen dıalogty nyǵaıtý jáne Ulttyq quryltaıdyń qyzmeti aıasynda jańa bastamalar men usynystar ázirleý.
