Erlan Qarın analıtıkalyq qurylymdardyń qyzmetin úılestirý boıynsha jıyn ótkizdi
ASTANA. KAZINFORM — Memlekettik keńesshi Erlan Qarın memlekettik analıtıkalyq qurylymdardyń basshylarymen jıyn ótkizdi. Bul týraly Aqorda málim etti.
— Basqosý barysynda analıtıkalyq qurylymdardyń qyzmetin úılestirý jáne ınstıtýttar arasyndaǵy ózara is-qımyldy nyǵaıtý jónindegi sharalar men aldaǵy qadamdar talqylandy, — delingen habarlamada.
Sonymen qatar analıtıkalyq zertteýlerdiń nátıjelerimen ózara almasý tetikteri, Ulttyq statıstıka bıýrosynyń derekter ortalyqtaryn keńinen paıdalaný múmkindikteri pysyqtaldy.
Memlekettik keńesshi Prezıdenttiń «Jasandy ıntellekt dáýirindegi Qazaqstan: ózekti máseleler men ony túbegeıli tsıfrlyq ózgerister arqyly sheshý» atty bıylǵy Joldaýy tereń saraptamalyq taldaýdy ári jekelegen bastamalardy iske asyrý boıynsha usynymdar ázirleýdi talap etetinine erekshe nazar aýdardy.
Eske sala keteıik, buǵan deıin Memlekettik keńesshi Parlament Májilisindegi fraktsııa jetekshilerimen kezdeskenin jazǵan edik.