Erlan Qarın Ahmet Baıtursynulynyń 150 jyldyq mereıtoıynyń jospary týraly baıandady
«Búgin Oqý-aǵartý, Ǵylym jáne joǵary bilim mınıstrlerimen birge Ahmet Baıtursynulynyń 150 jyldyq mereıtoıyn atap ótý barysyn talqyladyq. Jyl basynan beri Alash ardaqtysynyń beınesin, esimin dáripteý, ult jadynda qaldyrý maqsatyndaǵy kóptegen is-sharalar uıymdastyryldy. ıÝNESKO, TÚRKSOI sekildi halyqaralyq uıymdar aıasynda da birqatar ǵylymı-aǵartýshylyq baǵyttaǵy jıyndar ótkizý josparda bar. Mysaly, erteń Halyqaralyq Túrki akademııasy Ǵylymı keńesiniń V otyrysy bolady. Sonyń sheńberinde A.Baıtursynulynyń mereıtoıyna arnalǵan konferentsııa ótedi»,-dedi Memlekettik keńesshi.
Sondaı-aq ol Ulttyq quryltaıda aqyn Svetqalı Nurjan ult ustazynyń mereıtoıy qarsańynda atqarylýy qajet birneshe usynys aıtqanyn jetkizdi. Ol usynystar jalpyrespýblıkalyq jospardy júzege asyrý barysynda qaralatyn bolady.
«Sonymen qatar, búgin Ulttyq quryltaıdyń bir top múshelerimen jumys kezdesýin ótkizdik. Kezdesýge úkimettik emes uıymdar men qoǵamdyq birlestikterdiń ókilderi qatysty. Onda Ulttyq quryltaıdyń birinshi otyrysynda Memleket basshysy bergen tapsyrmalardyń oryndalý barysyn talqyladyq. Onyń ishinde Quryltai qosymshasynyń ázirlenýi jóninde sóz qozǵaldy. Bul platforma árbir azamatqa áleýmettik mańyzdy máseleler boıynsha ıdeıalar men bastamalardy usynýǵa múmkindik beretin bolady. Sonymen qatar, áriptesterimizben birge aldaǵy jumysymyzdyń formatyn belgiledik. Mundaı kezdesýler Ulttyq quryltaıdyń basqa da múshelerimen ótetin bolady»,-dedi Erlan Qarın.
