Erlan Qarın 2022 jyly qandaı mańyzdy jumystar atqarylǵanyn aıtty
«2022 jyl Qazaqstannyń búkil jańa tarıhyndaǵy eń qıyn, degenmen eń mańyzdy jyldardyń birine aınaldy. Ol nesimen este qaldy? Onyń basty saıası trendteri qandaı? Osy jerde birneshe sátti atap ótkim keledi. Qańtar oqıǵasynan keıin jáne halyqaralyq shıelenistiń ýshyǵý aıasynda qoǵamda shoǵyrlanýǵa degen naqty bir suranys qalyptasty. Jáne de osy suranys maýsymdaǵy referendým barysynda kórinis tapty. Onyń qorytyndysynda saıası turǵyda elimizdegi azamattardyń shoǵyrlanýynyń jańasha tolyǵyp, jańa deńgeıi belgilendi. Óz kezeginde, qarasha aıynda ótken prezıdenttik saılaý nátıjesi qoǵam men memlekette eldiń munan arǵy damý keleshegine ortaq túsinik bar ekendigin kórsetti. Sondyqtan ótip bara jatqan jyldyń basty saıası qorytyndylarynyń biri bılik qoǵamnyń shoǵyrlaýyna qoldaý bildire aldy jáne belgili bir jańa deńgeıge shyǵardy», - dep jazdy Erlan Qarın telegram kanalynda.
Onyń paıymynsha, 2022 jyldy jan-jaqty reformalar jyly dep tolyqtaı aıtýǵa bolady. Jyl ishinde Prezıdent eki márte Joldaý jasap, onda qoǵamdyq-saıası jáne áleýmettik-ekonomıkalyq salada túbegeli qaıta qurýǵa bastamashylyq jasady. Nátıjesinde saıası jańǵyrýdyń aýqymdy baǵdarlamasy iske qosylyp, konstıtýtsııalyq reforma jasaldy. Demonopolızatsııalaý jáne ekonomıkany qurylymdyq qaıta qurý protsesi bastalyp, úsh jańa oblys quryldy.
«Bıyl bastama jasalǵan jáne iske qosylǵan bul reformalar munan ary alǵa jyljý úshin serpin beredi. Sondyqtan osy jyldaǵy prezıdenttik reformalar kelesi 2023 jyldyń da saıası kúntártibin aıqyndaýdy jalǵastyrady dep aıtýǵa bolady. Ótip bara jatqan jylda qoǵamdyq alańda azdaǵan transformatsııa bastaldy. Eldiń qoǵamdyq-saıası ómirinde jańa tulǵalar paıda boldy, jańa qozǵalystar men birlestikter, onyń ishinde partııalar ózderi jaıynda málimdeı bastady. Al birinshi Ulttyq quryltaıdyń shaqyrylýy jalpyulttyq dıalogty jańa ınstıtýtsıonaldyq deńgeıge shyǵardy. Qazaqstan 2022 jyly da belsendi syrtqy saıasat júrgizdi. Týyndaǵan kúrdeli geosaıası ahýalǵa qaramastan elimiz syndarly, biraq, bul rette qarqyndy syrtqy saıası baǵdardy júrgizýin jalǵastyrdy. Biz ózimizdiń barlyq basty seriktesterimizben ózara tıimdi yntymaqtastyǵymyzdy damyttyq. Prezıdenttiń Qytaı, Reseı, Túrkııa, BAÁ, Iran, qatar, Saýd Arabııasy, Ázerbaıjan, Frantsııa jáne Ózbekstanǵa sapary jahandyq týrbýlenttilik jaǵdaıynda elimizdiń kópvektorly syrtqy saıasatyna jańa mazmun berdi. QHR Tóraǵasy Sı Tszınpınniń pandemııa bastalǵannan bergi birinshi sheteldik saparynyń, sonymen qatar Rım Papasy Frantsısktiń apostoldyq saparynyń Qazaqstanǵa jasalýy mańyzdy oqıǵaǵa aınaldy», - dedi Memlekettik keńesshi.
Erlan Qarın ótip bara jatqan jyl sarapshylyq qoǵamdyq úshin de bazalyq qoǵamdyq qundylyqtardyń jańa júıesin izdeý tóńiregindegi bastalýymen de este qalmaq. Qoǵamda jańa qundylyq matrıtsasyn qalyptastyrý úshin memleket eńbek ıdeologııasy men yntymaqtastyqty, bilim berý mádenıetin, tabıǵatqa uqypty qaraýdy maqsatty túrde ilgerilete bastady.
«Bálkim, osy jyldyń eń sátti ıdeologııalyq bastamalarynyń biri - bizdiń zamanaýı memlekettiligimizdi beıneleıtin negizgi ulttyq mereke retinde Respýblıka kúnin qaıtarý bolǵan shyǵar. Osylaısha, osy jyldy qorytyndylaı kele memlekettiligimiz úshin kóptegen teńdesiz syn-tegeýirinderdi eńserýmen, elimizdiń jan-jaqty jańǵyra bastaýymen este qalady dep aıtýǵa bolady», - dedi Erlan Qarın.
Foto: akorda.kz
