Erlan Qarın: 2015 jyldyń saılaýy ne beredi?
ASTANA. QazAqparat - QR Prezıdenti janyndaǵy Strategııalyq zertteýler ınstıtýtynyń dırektory Erlan Qarın 2015 jylǵy prezıdenttik saılaýdyń basty artyqshylyqtaryn aıtyp berdi.
«2015 jyldyń saılaýy ne beredi? Sarapshylardyń pikirtalastarynda bul eń basty taqyryptardyń biri bolmaq. Birinshiden, saıası mádenıet nyǵaıa túsedi, Konstıtýtsııalyq normalardy ustaný prıntsıpi bekıdi. Osy pikirtalastyń barysynda elde saılaý emes, referendým ótkizý týraly da usynylǵan bolatyn. 2011 jyly referendýmda 2 mıllıonnan astam daýys jınalǵanyn aıta keteıin. Bul shamamen saılaýshylardyń úshten biri. Biraq Memleket basshysy, Prezıdent jáne Konstıtýtsııa kepili retinde eki modeldiń ishinen saılaýdy tańdady jáne prezıdenttik saılaýdyń merzimin jarııa etti», - deıdi E.Qarın «Qazaqstandaǵy prezıdenttik saılaý - 2015: Ǵalamdyq synaqtardyń aldyn alý» atty dóńgelek ústel barysynda.
- Menińshe, bul saılaý eldegi jańa partııalyq-saıası júıeniń damýyna úlken serpin beredi. Sebebi ol partııalardyń boıynan qan júgirtip, belsendendire túsedi, saıası ustanymdary men tehnologııalaryn, jańa quraldardy damytady. Sarapshylardyń kóbi qazir saıası-partııalyq órisin jańartý kerektigin aıtýda. Meniń oıymsha, eger partııalardyń deni kútilip otyrǵandaı, Memleket Kóshbasshysynyń kandıdatýrasyn qoldaıtyn bolsa, Elbasynyń ustanǵan baǵytyn qoldaý boıynsha ózderiniń baǵdarlamalaryn usynýlary tıis, onda olar Prezıdent saıasatynyń negizgi qundylyqtaryn aıqyndaıtyn bolǵany abzal».
Onyń sózine qaraǵanda, qazirgi alma-ǵaıyp zamanda televızııa men ınternet adam sanasyna yqpal etýdiń basty quraly retinde birinshi qatarǵa shyǵady.
«Qoǵamdyq pikiralmasýdyń formaty ózgerýde. Máselen saıası tehnologııalarda ınternettiń úlesi qatty artqan. Televızııa men ǵalamtor qoǵamdyq pikirge áser etýdiń negizgi quraly bolmaq. Mınıstrliktiń sońǵy derekterine sáıkes, Qazaqstanda ǵalamtor paıdalanýshylardyń sany 12 mıllıon adamnan asyp jyǵylǵan. 2011 jyly ol tek 4 mıllıon adam deńgeıinde ǵana bolatyn. 2011 jylǵy prezıdenttik saılaýdan keıin ınternet-keńistik birshama artqan. Sonymen qatar kommýnıkatsııanyń jańa túrleri de keń etek jaıýda, túrli messendjerler saılaý barysynda óz quraldaryn ulǵaıta bermek», - deıdi saıasattanýshy.
Instıtýt basshysynyń atap kórsetkenindeı, saılaýdyń taǵy bir mańyzdylyǵy - ol halyqty Prezıdenttiń jańa baǵdarlamalarynyń mańynda jumyldyrýǵa úlken yqpal jasaıdy.
«Eń bastysy, aldaǵy saılaý jalpyqoǵamdyq kóshbasshynyń mártebesin ary qaraı ınstıtýtsıonaldandyrýǵa, jańa qundylyqtardyń, qazaqstandyq qundylyqtardyń aınalasynda adamdardy toptastyrýǵa áser etedi. Saılaý jónindegi túrli pikirtalastarda baıqap otyrmyz, halyq Ult Kóshbasshynyń mańynda bir kisideı jumylý qajet ekendigin túsinedi. Sondyqtan resmı jaǵdaılar ǵana talqylanýda», - dedi ol.
