Erlan Daýylbaev: Saılaý ýchaskesindegi eń negizgi adam – saılaýshy
Aıta ketsek Aqparat jáne qoǵamdyq damý mınıstrligi Ortalyq saılaý komıssııasymen birge ÚEU akademııasy» bilim berý jobasy sheńberinde saılaýdy baıqaý negizderin túsindirýge arnalǵan semınar ótkizildi. Otyrysqa onlaın rejımde 500-den astam adam qatysýǵa nıet bildirgen. Otyrysta saılaýdy baıqaý negizderi túsindirildi.
«Ýchaskelik saılaý komıssııasynyń tóraǵalary men ony aýystyratyn tulǵalar senim bildirilgen tulǵalardyń, baıqaýshylardyń shaǵymy boıynsha sanalǵan daýystyń hattamasyn, onymen birge jasalǵan aktty birge usynýy tıis. Baıqaýshylar ózderimen birge jeke basyn jáne quzyretin kýálandyratyn qujatty alyp júrýi kerek. Ol saılaý protsesine, daýysty sanaý protsedýrasyna jáne ýchaskelik komıssııa qabyldaǵan sheshimge aralaspaýy tıis. Sonymen qatar baıqaýshy ýchaskelik saılaý komıssııasynyń jumysyna kedergi keltiretin áreket jasamaı, ýchaskedegi erejelerdi saqtaý jónindegi tóraǵanyń talaptaryn oryndaýy tıis», - dedi Erlan Daýylbaev.
Onyń aıtýynsha baıqaýshy óz eskertpelerin qujattalǵan, shynaıy fakttarǵa súıene otyryp qaldyra alady.
«Baıqaýshy belgili bireýge, kandıdatqa nemese saıası partııaǵa basymdyq bermeýi kerek. Baıqaýshylardyń turatyn jerin aıqyndaý da mańyzdy másele. Daýys berý nysanyndaǵy eń negizgi adam – saılaýshy. Qaıtalap aıtamyn: daýys berý nysanyndaǵy eń negizgi adam – saılaýshy. Al ýchaskelik saılaý komıssııalary daýys berýshiniń óz erki men qupııa daýys berý quqyǵyn barynsha qamtamasyz etýi kerek», - dedi ol.
