Erlan Bilálov sottan memlekettik nagradalarynan aıyrmaýyn surady
ALMATY. QazAqparat - Sybaılas jemqorlyq faktisi boıynsha aıyptalǵan QR eńbek sińirgen qaıratkeri Erlan Bilálov sottaǵy sońǵy sózin aıtty, dep habarlaıdy «QazAqparat» HAA tilshisi.
«Men qazir óte aýyr jaǵdaılardy basymnan ótkerip jatyrmyn, qatty ókinetinimdi de aıttym, ony bári biledi. Meniń densaýlyǵym men otbasylyq jáne qarjylyq jaǵdaıymdy nazarǵa alýyńyzdy suraımyn. Aıyppul mólsherin azaıtýyńyzdy suraımyn. Bul meniń shamam kelmeıtin óte aýyr jaza. Árıne, aıyppul túrindegi jazany óteýge daıynmyn, meniń sizden suraıtynym, taza mańdaı terimmen qol jetkizgen memlekettik nagradalarymnan aıyrý týraly qosymsha jaza qoldanbaýyńyzdy ótinemin. Jastar odaǵynyń laýrety syılyǵy maǵan 2003 jyly, anamnyń qazasynan keıin berilgen. Bul men úshin ary qaraı ómir súrip, teatr sahnasynda óner kórsetýime demeý boldy. Men úsh jyl boıy óz-ózime kele almadym. Bul syılyq maǵan kúsh berdi. QR eńbek sińirgen qaıratkeri syılyǵyna ákemniń qazasynan keıin qol jetkizdim. 25 jyl boıy osy teatrda qyzmet ettim, bul marapattar maǵan ózimniń adal eńbegim arqyly kelgen. Men shyǵarmashylyq adamy retinde ólmeýim úshin nagradalarymnan aıyrmaýyńyzdy suraımyn. Qant dıabeti men qan qysymy meniń alǵa adymdaýyma kedergi keltirip turǵan aýrýlar. Men óz isime ókinemin. Men qatelestim. Meniń jaǵdaıyma túsinistikpen qaraýyńyzdy suraımyn. Bárimiz de pendemiz. Kúnderdiń bir kúninde kez kelgenimiz qatelesýimiz múmkin»,-dedi Erlan Bilálov.
Aıyptalýshy sottan istiń obektıvti túrde qaralýyn surady.
