Erlan Bilál «Teatr kóktemi - 2011» festıvaliniń Bas júldesin ıelendi
ALMATY. 28 naýryz. QazAqparat /Erlik Erjanuly/ - Búgin Almatyda «Teatr kóktemi - 2011» festıvaliniń úzdikteri anyqtaldy.
Naýryz merekesi men Halyqaralyq teatr kúnine oraı 24-27 naýryzda ótken bul shara KSRO halyq ártisi, Memlekettik syılyqtyń laýreaty Ydyrys Noǵaıbaevqa arnaldy. Festıval reperýaryna bıyl M.Áýezovtyń «Abaı», «Eńlik-Kebek» tragedııalary, N.Gogoldiń «Úılený», Á. Rahımovtyń «Qylmyskerge kýálik», E. Jýasbektiń «Kúlemiz be, jylaımyz ba?» komedııalary engen edi. Olardyń tórteýi bıylǵy, al bireýi ótken teatr maýsymynda sahnalanǵan qoıylymdar.
«2009 jyly - 9 atalym, 2010 jyly - 10 atalym boıynsha jeńimpazdar anyqtalǵan bolatyn. Bıyl ol 15-ke deıin jetip otyr», - deıdi qazylar alqasynyń tóraǵasy, belgili teatr synshysy Áshirbek Syǵaı.
Bas júlde «Abaı álemi - sahna sáni» Esmuqan Obaevtyń rejısserligimen qoıylǵan «Abaı» tragedııasyndaǵy Abaıdyń róli úshin Erlan Bilálǵa berildi. Dýlyǵa Aqmolda (Kerim) men Erkebulan Daıyrov (Aıdar) «Ekinshi kezektegi er adam», Baıan Qajnabıeva (Ajar) men Qymbat Tileýova (Qanikeı) «Ekinshi kezektegi áıel», Berik Aıtjanov (Ábish) «Keıipkerge súıispenshilik», Gúlnur Shyńǵysova (Maǵysh) «Úmit» júldesin aldy.
M. Ahmanov sahnalaǵan «Kúlemiz be, jylaımyz ba?» komedııasynda Danagúl Temirsultanova (Apa) men Baqtııar Qoja (Ata) «Sahnalyq úılesim, akterlik dýet», Saltanat Bakaeva (Elıa) «Tusaýkeser» júldesiniń ıegeri boldy.
Á. Rahımovtyń avtorlyǵymen jáne rejısserligimen qoıylǵan «Qylmyskerge kýálikte» Murat Nurásilov (Ákim) «Este qalar keıipker», Shalqar Úrkimbaev (Taban) «Kókeıdegi keıipker» júldesin, V. Zaharov qoıǵan «Úılenýde» Saıajan Qulymbetova (Dýnıasha) «Tusaýkeser», Kúnsulý Shaıahmetva (Agafıa Tıhonovna) «Este qalar keıipker» júldesin ıelendi. Al Hýseın Ámir-Temirdiń rejısserldigimen qoıylǵan «Eńliń-Kebekte» Aıdos Bektemir (Keńgirbaı) «Sahnalyq dástúr sabaqtastyǵy» júldesin jeńip aldy.
