Erlan Bilál soty: «Sezam» dırektory parany qalaı bergenin aıtty
ALMATY. QazAqparat - Almaly aýdandyq sotynda M.Áýezov atyndaǵy Qazaq memlekettik akademııalyq teatrynyń eks-dırektory Erlan Biláldiń isi boıynsha sot talqylaýy jalǵasyp jatyr, dep habarlaıdy QazAqparat tilshisi.
Sot barysynda «Sezam» qorynyń dırektory Qaırat Baıanov Erlan Bilálge aqshany qalaı bergeni týraly aıtyp berdi.
«Sezam» dırektory eń alǵash ret sottalýshymen 2017 jyldyń qazanynda kezdesken. Sol kezdesý barysynda syıaqy kólemi týraly ýaǵda bolǵan. Baıanov Bilálge 1,5 mln teńge kóleminde aqshany bólip-bólip berýi tıis bolǵan.
«Soma týraly sóılespedik. Ol (Erlan Bilál - avt.) 1,5 mln teńgeni meńzedi. Jaraıdy, kóreıik dedim», - dedi Baıanov.
Keıinirek Baıanov tergeý oryndarymen birge jumys jasaı bastaǵan.
Alǵashqy 600 myń teńgeni Baıanov konvertke salyp 3 qańtarǵa deıin bergen. Biraq Bilál aqshany tezirek berýin surap, qaıta-qaıta mazalaǵan.
Qalǵan 900 myń teńgeni Baıanov 4 qańtarda berýi tıis boldy. Kýáger Baıanov 600 myń teńgeni qaıtarýǵa nıetti ekenin aıtty.
Buǵan deıin kýáger bolyp kelgen «Sezam» qorynyń dırektory Qaırat Baıanov azamattyq aryzdanýshy bolýǵa nıet bildirgen edi. Oǵan Biláldiń qorǵaýshysy men memlekettik aıyptaýshy qarsy shyǵyp, bul iste tek memleket japa shegýshi ekendigin jetkizdi.
Іs materıaldaryna qaraǵanda, Erlan Bilál «Sezam» qaıyrymdylyq shyǵarmashylyq qorynyń basshysy Qaırat Baıanovtan 1,5 mln teńge kóleminde para almaq bolǵan. Bul qarjyǵa teatr ǵımaratynda balalarǵa arnalǵan qoıylym ótýi tıis bolatyn.
Aldyńǵy sot otyrysynda Erlan Bilál 600 myń teńgeni qaryzǵa taratyp tastaǵanyn aıtqan edi.
Eske sala keteıik, Almatyda M.Áýezov atyndaǵy Qazaq memlekettik akademııalyq drama teatrynyń dırektory, belgili akter Erlan Bilál 1,5 mln teńge kóleminde para alyp jatqan jerinen ustalǵan bolatyn.
