Prezıdent Qazaqstannyń Japonııadaǵy Elshisin taǵaıyndady

ASTANA. KAZINFORM – Memleket basshysynyń Jarlyǵymen Erlan Keńesuly Baýdarbek-Qojataev Qazaqstan Respýblıkasynyń Japonııadaǵy Tótenshe jáne Ókiletti Elshisi bolyp taǵaıyndaldy. Bul týraly Aqordanyń baspasóz qyzmeti málim etti. 

Ol Qazaqstan Respýblıkasynyń Grek Respýblıkasyndaǵy Tótenshe jáne Ókiletti Elshisi laýazymynan bosatyldy.

Sondaı-aq, Memleket basshysynyń Jarlyǵymen Sabyr Saılaýbekuly Esimbekov Qazaqstan Respýblıkasynyń Japonııadaǵy Tótenshe jáne Ókiletti Elshisi laýazymynan bosatyldy. 

Erlan Keńesuly Baýdarbek-Qojataev

• Týǵan jeri: 1967 jyly 8 maýsymda Jambyl oblysynyń Taraz qalasynda dúnıege kelgen;
• Bilimi: Ál-Farabı atyndaǵy Qazaq ulttyq ýnıversıtetinde (1989 j.), M.Lomonosov atyndaǵy Máskeý memlekettik ýnıversıtetiniń Azııa jáne Afrıka elderi ınstıtýtynda (1992 j.), sondaı-aq Japon tili ınstıtýtynda (1994 j.) bilim alǵan.

Óziniń dıplomatııalyq qyzmetin 1992 jyly QR Syrtqy ister mınıstrliginde bastap, Azııa jáne Afrıka departamentinde túrli laýazymdarda jumys istegen.

1997-2003 jyldary Qazaqstannyń Japonııadaǵy elshiliginiń ekinshi, birinshi hatshysy, odan keıin keńesshisi qyzmetterin atqardy. 2004-2008 jyldary QR SІM Azııa jáne Afrıka departamentiniń dırektory boldy.

2008 jyly Qazaqstannyń Sıngapýrdaǵy tuńǵysh elshisi bolyp taǵaıyndaldy.

2008-2016 jyldary QR Aýstralııadaǵy jáne Jańa Zelandııadaǵy elshisi qyzmetin qosa atqardy.

2015-2016 jyldary - shtab-páteri Sıngapýrda ornalasqan Azııa-Eýropa (ASEF) qoryndaǵy QR Turaqty ókili.

Qazaqstannyń Grekııadaǵy Elshisi bolyp taǵaıyndalǵanǵa deıin 2016 jyldan beri Qazaqstannyń Japonııadaǵy elshisi qyzmetin atqardy.

2021 jylǵy 31 mamyrda Qazaqstan Respýblıkasynyń Grek Respýblıkasyndaǵy Tótenshe jáne Ókiletti elshisi bolyp taǵaıyndaldy.

Tótenshe jáne Ókiletti elshi dıplomatııalyq dárejesine ıe.