Erlan Aıtahanov qala turǵyndaryn jeke máseleleri boıynsha qabyldady

ShYMKENT. QazAqparat – Shymkent qalasynyń ákimi Erlan Aıtahanov azamattardy jeke máseleleri boıynsha qabyldady. Qala basshysynyń qabyldaýyna kelgen turǵyndar ózderin tolǵandyrǵan problemalaryn aıtyp, shahar basshysynan kómek surady, dep habarlaıdy QazAqparat tilshisi.

QR Prezıdenti Qasym-Jomart Toqaevtyń Joldaýynda aıtylǵan halyqpen tıimdi keri baılanys ornatý máselesin nazarǵa alǵan Erlan aıtahanov azamattardyń ótinishteri men usynystaryn tyńdady. Óz kezeginde shahar basshysymen kezdesýge kelgen turǵyndar áleýmettik járdemaqy alý men ataýly áleýmettik kómek taǵaıyndaý tártibi týraly birqatar máselelerdi kóterdi. Sondaı-aq, baspanamen qamtý, káriz júıesi, kóshe ataýy, jol, gaz, jaryk problemalaryn aıtty. Barlyǵ usynys tilekterdi tyńdaǵan ákim Erlan Qýanyshuly turǵyn úıler memlekettik turǵyn úı qorynan tek óz kezegimen beriletinin aıtyp, olardy «Baqytty otbasy», «Nurly jer» memlekettik baǵdarlamalaryna qatysýǵa shaqyrdy. Sonymen qatar, kommýnaldy problemalar ret-retimen sheshiletinin jetkizdi. Jeke qabyldaýǵa kelgen ár turǵynnyń máselesi óziniń nazarynda bolatynyn aıtqan shahar basshysy sala jetekshilerine kóterilgen máseleler boıynsha naqty tapsyrmalar berdi.