Erlan Aıtahanov: Bar kúsh-jigerimdi shymkenttikterdiń senimin aqtaýǵa jumsaımyn

NUR-SULTAN. QazAqparat – Shymkent qalasynyń ákimi Erlan Aıtahanov «Halyqtyń senimin aqtap, Shymkent qalasyn qalaı damytýdy josparlap otyrsyz?» degen suraqqa jaýap berdi, dep habarlaıdy QazAqparat tilshisi.

«Álbette, maǵan artylǵan senimdi uǵynyp otyrmyn. Búkil tájirıbemdi, bar kúsh-jigerimdi qala turǵyndarynyń senimin aqtaýǵa jumsaımyn. Naqty árekettermen isimizdi júrgizemiz», - dedi ol OKQ-da ótken baspasóz máslıhatynda.

Aıta ketsek, buǵan deıin qala basshysy ártúrli salada qandaı jumys júrgizilip jatqanyn jetkizgen bolatyn. Onyń aıtýynsha, qoǵamdyq kólikter 600-ge jýyq jańa avtobýspen tolyǵyp, aldaǵy úsh jylda 10 mektep salynady.

Sondaı-aq, shymkenttik kompanııa toqyma ónimderin Túrkııa, Qytaı, Ońtústik Koreıa, Italııa, Reseı elderine eksportqa shyǵarýdy kózdep otyr.