Erlan Álimbaev qyzmetinen bosatyldy

ASTANA. KAZINFORM –   Memleket basshysynyń Jarlyǵymen Erlan Álimbaev Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstannyń Turaqty ókili laýazymynan bosatyldy. Bul týraly Aqordanyń baspasóz qyzmeti habarlady.

– Memleket basshysynyń Jarlyǵymen Erlan Altynbaıuly Álimbaev Jeneva qalasyndaǵy (Shveıtsarııa) Birikken Ulttar Uıymynyń bólimshesi men basqa da halyqaralyq uıymdar janyndaǵy Qazaqstan Respýblıkasynyń Turaqty ókili laýazymynan bosatyldy, - delingen habarlamada.

1975 jyly 6 qańtarda týǵan. 1996 jyly Ál–Farabı atyndaǵy Qazaq ulttyq ýnıversıtetiniń Shyǵystaný fakýltetin Ýrdý tili men ádebıeti mamandyǵy boıynsha támamdaǵan;

2017 jyly Shveıtsarııanyń Jeneva dıplomatııa jáne halyqaralyq qatynastar ınstıtýtynyń Halyqaralyq qatynastar magıstri atandy.

1997 jyly Qazaqstan Respýblıkasynyń Syrtqy ister mınıstrliginde qyzmetke kirisip, Ortalyq apparatta jáne Úndistan, Ońtústik Koreıadaǵy Elshilikteri men Jenevadaǵy Turaqty ókildiginde túrli dıplomatııalyq laýazymdarda boldy.

2018–2019 jj. – Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi, Qazaqstan Respýblıkasynan Shanhaı yntymaqtastyq uıymy qyzmetiniń máseleleri jónindegi Ulttyq úılestirýshisi qyzmetin atqardy.

2019–2021 jj. – Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi;

2022 jyly aqpan aıynan bastap Jenevadaǵy BUU janyndaǵy elimizdiń Turaqty ókili bolyp taǵaıyndalǵanǵa deıin Qazaqstan Respýblıkasy Syrtqy ister mınıstriniń orynbasary laýazymyn atqardy.

Erjan Qazyhan Prezıdenttiń kómekshisi qyzmetinen bosatylǵanyn jazǵan bolatynbyz.