Erlan Aqkenjenov soltústik óńirdegi jańa gaz qubyryna túsinik berdi
ASTANA. KAZINFORM – Energetıka mınıstri Erlan Aqkenjenov eldiń soltústik óńirin gazdandyrýǵa qatysty pikir aıtty.
- Qazirgi tańda gazdandyrý deńgeıi elimizde 64,2 paıyz. 20,5 mıllıonnan astam Qazaqstan turǵyndarynyń ishinde 13 mıllıonynda osy kógildir otynǵa qol jetkizý múmkindigi bar. Búginde elde birneshe joba iske asyp jatyr. Eń mańyzdy - ol «Esil— Astana» gaz qubyryn (soltústik óńirlerdi gazdandyrý) salý. Qazir tehnıkalyq-ekonomıkalyq negizdeme qujattary daıyndalyp jatyr, - dedi Erlan Aqkenjenov Úkimet otyrysynan keıin tilshiler suraǵyna jaýap bere otyryp.
Osy oraıda mınıstr byltyr Qazaqstan men Reseı arasynda tıisti memorandýmǵa qol qoıylǵanyn eske saldy.
- Memleket basshysynyń halyqtyń tabıǵı gazben qamtamasyz etilý deńgeıin 80%-ǵa deıin jetkizý jónindegi tapsyrmasyna sáıkes, atalǵan gaz qubyry osy múmkindikti beredi dep úmittenemin, - dedi vedomstvo basshysy.
Aıta keteıik, bul joba Astana, Kókshetaý jáne Petropavl qalalaryn gazben turaqty qamtamasyz etýge, sondaı-aq eldiń soltústik óńirlerine tabıǵı gaz jetkizý baǵyttaryn ártaraptandyrýǵa múmkindik beredi.
Buǵan deıin habarlanǵandaı, bıylǵa munaı óndirý jospary 2 mln tonnaǵa qysqartyldy.
